Дэлхийн түүхэд зургаадугаар сарын 17-д болсон онцлох гурван үйл явдлыг танилцуулъя.

1775 оны зургаадугаар сарын 17. Банкер толгодын тулаанд Британи ялж Чарльзтауныг эзлэв

Америкийн хувьсгалын дайны эхэн үед Британийн цэргүүд Бостон руу довтолж 1775 оны зургаадугаар сарын 17-д Чарльзтауны Банкер толгодод Нэгдсэн улсын цэрэгтэй тулалджээ.

Тулаанд цэргийн тоогоор илүү байсан Британийн арми ялсан ч маш их хохирол амссан бөгөөд Нэгдсэн улсын туршлагагүй гэгдэг байсан цэргүүд Британийн бэлтгэгдсэн армийг сөрөх чадвартайг нотолсон байна.

Улмаар Британичууд тулааны арга барилаа өөрчилсөн бөгөөд Банкер толгодод гаргасан алдаагаа дахиж давтаагүй аж.

1940 оны зургаадугаар сарын 17. ЗХУ Латви руу довтолж бүрэлдэхүүндээ нэгтгэв

1939 онд Нацист Германтай байгуулсан гэрээний дагуу Зөвлөлтийн цэргүүд 1940 оны зургаадугаар сарын 17-д Латви улс руу довтолж эзлэн авсан.

Зөвлөлтийн цэргүүд өдрийн дотор Латвийн харилцаа холбоо, гүүр болон гол барилгуудыг эзэлсэн бөгөөд наймдугаар сарын 5-н гэхэд ЗХУ-ын бүрэлдэхүүн улс болгожээ.

ЗХУ улс Нацист Германтай байгуулсан гэрээг хожим буруушааж 1989 онд Балтын тэнгисийн гурван улсын тусгаар тогтнолыг сэргээхээр болсон ба Латви 1991 онд тусгаар тогтносон.

2018 оны зургаадугаар сарын 17. "Incredibles 2" кино нээлтээ хийсэн долоо хоногтоо дээд амжилт тогтоов

2018 оны зургаадугаар сарын 15-д нээлтээ хийсэн "Incredibles 2" кино нээлтээ хийсэн долоо хоногтоо 182.7 сая ам.долларын ашиг олж дээд амжилт тогтоожээ.

2004 онд гарч байсан "Pixar"-ын алдарт "Incredibles"-ын хоёрдугаар анги болох тус бүтээл нээлтээ хийсэн долоо хоногтоо хамгийн өндөр ашиг олсон анимейшн болсон бөгөөд долоо хоног дуусахад 235.8 сая ам.долларын ашиг олсон байна.

Гэвч 2019 онд гарсан "Toy Story 4" 244.5 сая ам.доллар, "The Lion King" 245.9 сая ам.доллар, "Frozen II" 358.5 сая ам.долларын ашиг олж дээр нь бичигдэх болсон юм.