"Катар 2022" ДАШТ-ий G хэсгийн гурав дахь тоглолт Камерун болон Сербийн шигшээ багийн хооронд болоход 3-3 харьцаагаар тэнцэв.

Нэгдүгээр үе Африк тивийн багийн давамгайллаар эхэлсэн. Камеруны төвийн хамгаалагч Жан Шарль Кастеллетто 29 дэх минутад чөлөөт цохилтоос өгсөн дамжуулалтыг гоол болгов.

Харин үндсэн цагт сайн тоглоогүй Сербичүүд, эхний үеийн нэмэлт 6 минутыг үр дүнтэй ашиглав. 45+1 дэх минутад Страхиня Павловч мөргөж, 45+3 дахь минутад Сергей Милинкович-Савич солгойгоороо цохиж багтаа тэргүүлийг авчирлаа.

Хоёрдугаар үе эхлээд удаагүй Сербийн давамгайлал үргэлжилж довтлогч Александер Митрович уран тансаг багийн ажиллагааг төгсөж гоолдсон. Гэвч Камерунчууд бууж өгсөнгүй. Сэлгээгээр талбайд орж ирсэн туршлагатай довтлогч Винсент Абубакар багтаа гоолыг бүтээж тооны харьцааг тэнцүүллээ.

Эхний гоолыг 63 дахь минутад хаалгачийн дээгүүр хөөргөж оруулсан бол хоёр дахь гоолын дамжуулалтыг 66 дахь минутад Эрик Максим Чупо Мотингд өгсөн. Ийнхүү Серби, Камерунтай оноо хувааж хэсгийн хувь заяа сүүлийн тоглолтод шийдэгдэхээр болов.

G хэсгийн өмнөх тоглолтуудын үр дүн:

• Швейцар 1-0 Камерун
• Бразил 2-0 Серби

Voo аппликейшн татах

• Android
• iOS