Парис 2024 зуны олимпын чөлөөт бөхийн эмэгтэй -62 кг жингийн дагах барилдаан болов. Дагах барилдаанд Монголын шигшээ багийн тамирчин, 2017 оны дэлхийн аварга 30 настай Пүрэвдоржийн Орхон 2018 оны дэлхийн аваргын мөнгөн медальт, 2021 оны дэлхийн аварга, Европын дөрвөн удаагийн аварга Болгарын 27 настай Билиана Живкова Дудоватай барилдаж 3-1 харьцаагаар яллаа.

Барилдааны явц:

• Орхон +1. 1-0
• Билиана +1. 1-1
• Орхон +2. 3-1

Ийнхүү П.Орхон өнөө орой 00:15 цагаас хүрэл медалийн төлөө Токиогийн олимпын мөнгөн медальт, 2019, 2021, 2023 оны дэлхийн гурван удаагийн аварга Киргизийн 31 настай Айсулу Тинибековатай барилдахаар боллоо.

П.Орхон хүрэл медалийн төлөө Токиогийн олимпын мөнгөн медальт, 2019, 2021, 2023 оны дэлхийн гурван удаагийн аварга Киргизийн 31 настай Айсулу Тинибековатай барилдаж 6-6 (Сүүлд авсан оноогоор) харьцаагаар ялагдсанаар 5-р байр эзэллээ.

Барилдааны явц:

• Орхон +2. 2-0
• Орхон +2. 4-0
• Орхон +2. 6-0
• Айсулу +2. 6-2
• Айсулу +4. 6-6

Тэрээр Парис 2024 зуны олимпод чөлөөт бөхийн төрлөөр 5-р байр эзэлсэн гурав дахь тамирчин болж байна.