БНХАУ-ын Тяньжин хотын Дунзян чөлөөт худалдааны боомтод “Тээвэр логистикийн төв” байгуулахаар болсон. “Монголын төмөр зам” ТӨХК арван га газарт Хятадын талтай хамтарсан компани байгуулж, төсөл хэрэгжүүлэх юм.

Засгийн газраас баталсан, “Далайд гарах боломжийг нэмэгдүүлэх талаар авах зарим арга хэмжээний тухай” 2013 оны 152 дугаар тоот тогтоолын хүрээнд энэ ажлыг хийж байна. Дээрх төсөлд хөрөнгө оруулж, хамтран ажиллах боломж бүхий дотоодын хувийн хэвшлийн аж ахуйн нэгжүүдийг “Монголын төмөр зам” бүртгэж эхэлжээ.

Санал ирүүлэх аж ахуйн нэгжүүдэд дараах шаардлагыг тавьж байна.
- Компани татварын өргүй байх 
- Санхүүгийн чадамжтай байх 
- Тогтвортой, удаан хугацаанд хамтран ажиллах

ААН-үүдээс санал авах хугацаа ирэх сарын 15-нд дуусна.