2016 онд 20 гаруй уурхай, уулын үйлдвэр ашиглалтад орж, улсын хэмжээнд 800 ажлын байр шинээр бий болсон, 20 гаруй тэрбум төгрөгийн хөрөнгө оруулалт хийсэн талаар Уул Уурхай, Хүнд Үйлдвэрийн Яамнаас мэдээллээ. Мөн улсын төсвийн 2016 оны хүлээгдэж байгаа гүйцэтгэлээр 19 тонн алт, 33 сая тонн нүүрс, 7.5 сая тонн төмрийн хүдэр, 1.1 сая тонн газрын тос, 200 мянган тонн жонш экспортлохоор байна.

Үүнээс гадна 1.4 сая тонн зэсийн баяжмал, 4700 тонн молибдений баяжмал, 100 мянган тонн цайрын баяжмал үйлдвэрлэж, экспортлохоор байгаа гэдгийг Уул Уурхай, Хүнд Үйлдвэрийн Яамнаас мэдээлжээ. Эцсийн дүнгээр тооцож үзвэл Монгол Улсын нийт экспортын 85 хувь, аж үйлдвэрийн бүтээгдэхүүний 63 хувь, дотоодын нийт бүтээгдэхүүний 18 хувь, улсын нэгдсэн төсвийн орлогын дөрөвний нэгийг уул уурхайн салбар дангаараа бүрдүүлж байгаа юм.

Т.Элиса