Монгол Улс 1918 оноос хойш 10 удаа хүн ам, орон сууцны ээлжит тооллогоо хийж байжээ.

Тэгвэл 2015 онд анх удаа дунд хугацааны тооллого буюу завсрын тооллогыг зохион байгуулсан байна.

"Хүн ам, орон сууцны завсрын тооллого"-ын үр дүнг өнөөдөр Үндэсний статистикийн хорооноос танилцууллаа.

Тооллогын үр дүнгээр Монгол Улсын хүн ам 2015 оны арванхоёрдугаар сарын 31-ний өдрийн байдлаар 3 сая 57.8 мянга болж, 2010 оны тооллогоос 2.2 хувь буюу 303.1 мянган хүнээр нэмэгдсэн байна. Харин өрхийн тоо 859.1 мянгад хүрч 2010 оноос 20.4 хувиар өсчээ.

Энэ удаагийн тооллого хэд хэдэн онцлогтой болсон гэдгийг Үндэсний статистикийн хорооны дарга А.Ариунзаяа онцоллоо. Тухайлбал:

• ээлжит тооллого хооронд явагдсан анхны завсрын тооллого
• тооллогыг "Хүн амын регистрийн бүртгэлд суурилсан бүртгэлийн арга" буюу Хүн ам, өрхийн мэдээллийн сантай уялдуулсан
• гадаадад удаан хугацаагаар амьдарч буй Монгол Улсын иргэдийг интернэтээр тоолсон зэрэг гэдгээрээ онцлогтой аж.

Тус арга хэмжээнд УИХ-ын гишүүн, Эдийн засгийн байнгын хорооны дарга Д.Тэрвишдагва, Үндэсний статистикийн хорооны дарга А.Ариунзаяа, НҮБ-ын Хүн амын сангийн суурин төлөөлөгч Наоми Китахара нараас гадна олон улсын болон орон нутгаас ирсэн 100 гаруй төлөөлөгч оролцож байна.