Сум, дүүргийн ИТХ-ын сонгуулийн талаар Нийслэлийн сонгуулийн хороо мэдээлэл хийж байна.

Аравдугаар сарын 19-нд болсон санал хураалтаар ирц 50 хувьдаа хүрээгүй 79 хороонд нэмэлт санал хураалт явуулсан. Нийслэлийн сонгуулийн хорооны дарга Ү.Ганбат "Нийслэлийн 79 хороонд нэмэлт санал хураалтын үйл ажиллагаа өчигдөр 07.00-22.00 цагийн хооронд явагдаж дууслаа. Сонгогчдын оролцоо идэвхтэй байж ирцэндээ хүрсэн. Тодруулбал нийслэлийн хэмжээнд 70264 сонгогч саналаа өгч ирц 56 хувьд хүрсэн" гэв.

Дүүргүүдийн ирцийн мэдээ (хувиар)

• Багануур - 53,4
• Баянгол - 54,8
• Баянзүрх - 58,1
• Сонгинохайрхан - 54,1 хувь
• Сүхбаатар - 58,4 хувь
• Хан-Уул - 56,8 хувь
• Чингэлтэй - 56,6 хувь