Есдүгээр сарын 23-24-нд шилжих шөнийн 00:00 цагт зуны цагийн хуваарь дуусна. Та цагаа нэг цагаар ухрааснаар 2016 оны зуны цагийн хуваарь дуусгавар болно гэдгийг Стандартчилал, хэмжил зүйн газраас мэдээллээ.

Монгол Улс жил бүрийн гуравдугаар сарын сүүлчийн долоо хоногийн Баасан гарагаас Бямба гарагт шилжих шөнийн 02 цагаас эхлэн есдүгээр сарын сүүлчийн долоо хоногийн Баасан гарагаас Бямба гарагт шилжих шөнийн 00 цаг хүртэлх хугацаанд Монгол Улсын нутаг дэвсгэрт цагийн тооллыг нэг цагаар урагшлуулан ажил, үйлчилгээ эхлэх цагийн хуваарийг хэвээр мөрдөж байхаар тогтоосон.

Энэ жил гуравдугаар сарын 26-ны шөнийн 02:00 цагаас эхлэн 1 цагийг нэмэгдүүлэн зуны цагийн хуваарьт шилжсэн билээ.