Өнгөрсөн долдугаар сард францын дуучин Петит Меллер шинэ дууныхаа клипны зураг авалтыг Хөвсгөл аймагт хийжээ.

Тэрээр “Лимбэ” нэртэй дууныхаа клипийг энэ сарын 19-нд олон нийтийн хүртээл болгосон байна.

Этгээд сонин хувцаслаж, “хацар өнгөлөгчөө хэтрүүлдэг” франц бүсгүйд Хөвсгөл нутгийн охидын төрөлхийн улаа бутарсан хацарны талаар өөрийн хуудаснаа дурджээ.

Уг клипийг youtube хуудаснаас гурван өдрийн турш 64 мянган хүн үзсэн байна.

Дуучин, ая зохиогч тэрээр өөрийн "nouveau jazzy pop" урсгалаар уран бүтээлээ туурвидаг байна. Энэ урсгалыг франц ая, жазз хөгжим дээр хэмнэл нэмэн бүжиглэж болохуйц дууг бүтээж байна хэмээн тайлбарласан байна.

Франц гаралтай Лондонд амьдардаг дуучин бүсгүй өмнө нь “Baby love” дууныхаа клипний зураг авалтаа Кени улсад хийж байжээ.