Өнөөдөр өглөө 08 цаг 25 минутын орчим зуслангийн замд ноцтой осол гарсан талаар Замын цагдаагийн газраас мэдээллээ.

Чингэлтэй дүүргийн нутаг Зунжин дэлгүүрийн баруун талд Subaru маркийн автомашины жолооч Т урсгал сөрж Ө жолоочтой T.Allion маркийн автомашинтай мөргөлдсөнөөс уг осол болжээ.

Улмаар Т газар дээрээ амиа алдаж, Ө нь ГССҮТөвд хүргэгдэн очоод амьсгал хураасан аж.
Мөн хоёр хүн гэмтсэн бөгөөд энэхүү ноцтой осол хэрхэн гарсан шалтгааныг холбогдох байгууллагуудаас шалгаж байна.

Зургийг Замын цагдаагийн газрын нүүр хуудсаас авав.