Хувьцаат компаниуд энэ оны эхний хагас жилийн тайлангаа хувьцаа эзэмшигчдэдээ танилцуулсаар байна. Хамгийн сүүлд “Говь” ХК тайлангийн хурлаа хийлээ. Тус компани Хөрөнгийн биржийн нэгдүгээр ангилалд бүртгэлтэй. Ердөө долоон компани л энэ ангилалд багтдаг юм.

“ГОВЬ” 3.1 ТЭРБУМ ТӨГРӨГИЙН ЦЭВЭР АШИГТАЙ АЖИЛЛАСАН

Тус компани 2016 оны эхний хагас жилд 3.1 тэрбум төгрөгийн цэвэр ашигтай ажилласан нь өмнөх оны мөн үетэй харьцуулахад 29.1 хувиар өссөн дүн юм. Үүнд гадаад улсууд дахь борлуулалтын хэмжээ нэмэгдсэнээс үүдэлтэй үйлдвэрлэлийн гарц нэмэгдсэн, валютын ханш өссөн нь голлох нөлөө үзүүлжээ.

“Говь” ХК компани олон улсын тансаг ангиллын бараа бүтээгдэхүүнтэй өрсөлдөхүйц бүтээгдэхүүн бий болгохоор олон улсын загвар зохион бүтээгчтэй хамтран ажилладаг. Ингэснээр олон улсын тавцанд бүтээгдэхүүний чанар, загвараараа өрсөлдөж, тансаг ангиллын бэлэн хувцасны зах зээлд байр сууриа баталгаажуулах, цаашид гадаад  улс дахь “Говь” нэрийн барааны дэлгүүрийн тоогоо нэмэгдүүлэх, дэлхийд ноолууран пальтоны үйлдвэрлэлээр тэргүүлэгч болох стратеги зорилт тавьжээ.

Тус компани 2016 оны эхний хагас жилд 9.7 тэрбум төгрөгийн цэвэр ашигтай ажилласан нь өмнөх оны мөн үеэс 67.2  хувиар өссөн үзүүлэлт юм. Цэвэр ашгийн хэмжээ өсөхөд гадаад валютын ханшийн алдагдал тайлант хугацаанд бага байсан  нь голлох нөлөөллийг үзүүлсэн байна.

АПУ-ГИЙН АШИГ 67 ХУВИАР ӨСӨВ

АПУ компани энэ оны эхний хагас жилд 9.7 тэрбум төгрөгийн цэвэр ашигтай ажилласан нь өмнөх оны мөн үеэс 67.2  хувиар өссөн үзүүлэлт юм. Цэвэр ашгийн хэмжээ өсөхөд гадаад валютын ханшийн алдагдал тайлант хугацаанд бага байсан  нь голлон нөлөөлжээ.

“АПУ” ХК компанийн бодит үнэ цэнэ болон хувьцааг зах зээлд чөлөөтэй арилжаалагдах нөхцөлд анхааран хувьцаагаа хуваасан. Цаашид валютын зээллэгийг төгрөгт шилжүүлэх, бонд гаргах, түүхий эд материалын форвард хэлцэл хийх зэргээр ашигт ажиллагаагаа нэмэгдүүлэхээр ажиллаж байгаа юм байна.

“ГЕРМЕС ЦЕНТР” НОГДОЛ АШИГ ТАРААХААР БОЛЛОО

“Гермес Центр” ХК 2016 оны эхний хагас жилийн санхүүгийн тайлангаар баталгаажсан цэвэр ашгаа 348,922,268.76 төгрөг гэж мэдүүлжээ. Үүнийг хувьцаа эзэмшигчдэдээ 100 хувь ноогдол ашиг болгон хуваарилахаар шийдвэрлэв.
Ноогдол ашгийг холбогдох хууль тогтоомжийн дагуу ирэх сарын 05-наас эхлэн олгох юм байна.

Хөрөнгийн биржийн цахим хуудсанд энэ оны эхний хагас жилийн тайлан нь нийтлэгдсэн, ХК-ийн дүн мэдээг хүргэлээ. Дээрх тоон мэдээллээс харахад үндэсний үйлдвэрлэгч, хувьцаат компаниуд эдийн засгийн хүндрэлийг амжилттай сөрж байна.