Өнөөдөр 20 цагийн орчимд орсон хүчтэй аадар борооны улмаас замууд усанд автаад байна. Ялангуяа хотын зүүн хэсэг буюу Чингис зочид буудлын зүүн талын зам дагуу ус ихээхэн нэмэгдсэний улмаас иргэдийн автомашин суух, хөвөх зэрэг хүндрэл учирсан байна.

Баянзүрх дүүрэгт нөхцөл байдал хүндэвтэр байгаа бөгөөд Нийслэлийн онцгой байдлын газар, Замын цагдаагийн газраас яаралтай арга хэмжээг аван ажиллаж байна.

Хэт халалттай холбоотойгоор ойрын өдрүүдэд түр зуурын усархаг бороо нилээд орсон. Улаанбаатар төдийгүй Булган аймгийн Хутаг-Өндөр сум, Өвөрхангай аймаг, Төв аймгийн Эрдэнэсант зэрэг сумдад үер буусан байна.

Иймд  иргэд баталгаатай гүүр, гарам, гарцтай газраар автомашинтай зорчих, хүүхдийг гол усны эрэг дагуу явуулж, тоглуулахгүй байх, хүүхдэд тавих хараа, хяналтаа сайжруулах, амралт, чөлөөт цагаа өнгөрүүлэхдээ гол, усны ойролцоо амарч зугаалахгүй байхыг анхааруулж байна.

Гэрэл зургийг MPA.mn