Ардчилсан Намын дарга З.Энхболд болон удирдлагууд Монгол Ардын Хувьсгалт Намын дарга Н.Энхбаяр нар яг одоо төрийн ордонд мэдэгдэл хийж байна.

АН-ынхан өчигдөр дөрвөн зөрчлийг шийдвэрлэсний дараагаар УИХ-ын анхдугаар чуулганыг хуралдуулах нь зүйтэй гэж үзэж байгаагаа мэдэгдсэн.

Харин өнөөдөр дахин нэг зөрчлийн талаар мэдээлж байна. Зөвхөн нэг тойрогт гэхэд л МАН-ын гишүүн хоёр удаа санал өгсөн зөрчил илэрснийг З.Энхболд мэдээллээ. Сонгуулийн ажиглагч нар шалгаж үзээд гомдол гаргаж, зохион байгуулагч нар нь зөвшөөрсөн байна. Сонгуулийг дээрээс нь эхэлж будилаантуулсан гэдгийг ч тэрээр хэлж байна.

Харин МАХН-ын дарга Н.Энхбаяр энэ удаагийн сонгууль анхнаасаа хууль зөрчиж эхэлсэн бөгөөд тэр утгаараа ч өөрийг нь нэр дэвшүүлээгүй гэж үзэж байгаагаа илэрхийллээ.

“Луйвардсан ч гэсэн хэмжээ хэртэй байх ёстой. Гэтэл цэвэр булхай боллоо. МАН 65 суудал авлаа. АН-ын сул тал дээр ажиллаж, суудал авах боломжтой ч 65 суудал автлаа нэр хүнд нь өсөөгүй байна. Сонгуулийн булхайг 2016 оноор дуусгая. Хэн ялах нь хамаагүй. Шударга л ялах ёстой. Энэ удаагийн сонгууль луйварынх болсон учраас би өнөөдөр АН-тай хамт зогсож байна” гэдгийг Н.Энхбаяр хэлж байна.

Тэд хэвлэлийн хурлыг дуусгаад Ерөнхийлөгчид дээрх асуудлыг шийдвэрлэх талаар албан ёсоор хандахаа мэдэгдсэн юм.