Энэ сарын 25-ны өдрийн байдлаар банкууд 6889 иргэний 425.7 тэрбум төгрөгийн,  ипотекийн зээлийн хүсэлтийг хүлээн авчээ.

• 2026 иргэний 5 хувийн хүүтэй 96.8 тэрбум төгрөгийн,
• 3975 иргэний 8 хувийн хүүтэй 268.5 тэрбум төгрөгийн зээлийг тус тус олгохоор шийдвэрлэсэн байна.

Эндээс харахад дийлэнх иргэний хүсэлтийг хүлээн авч, 800 орчим иргэн зээл авч чадаагүй байна.   

Түүнчлэн Улаанбаатар хотын гэр хорооллын дахин төлөвлөлтийн хүрээнд хамрагдах орон сууц, Улаанбаатар хотын алслагдсан дүүргүүд болох Багануур, Багахангай, Налайх, нийслэлийн шинэ суурьшлын бүс, 21 аймгийн нутаг дэвсгэрт орон сууц  худалдан авсан 813 зээлдэгчийн 32.9 тэрбум төгрөгийн орон сууцны ипотекийн зээлийн хүүг 8-аас 5 хувьд шилжүүлжээ. Эдгээр нь гуравдугаар сарын 15-наас хойших дүн  мэдээ юм.