Монголын мэдээллийн технологийн хамгийн том үзэсгэлэн ICT Expo өчигдөр эхэлсэн. Салбарын 95 жилийн ой тохиож буй энэ жилийн үзэсгэлэнд шинээр танилцуулж буй бүтээгдэхүүн, үйлчилгээнүүдээс дараах таван бүтээгдэхүүнийг GoGo.mn онцолж байна.

#1 mobiPLAY - Mobicom корпорацийн шинээр зах зээлд нэвтрүүлж буй OTT үйлчилгээ. Хэрэглэгч хүссэн үедээ, хүссэн газраасаа дуртай сувгуудаа, гадаад дотоодын олон төрлийн контентуудыг үзэж болно. 

#2 Ninebot mini -  Xiaomi компанийн албан ёсны борлуулагч Mi Mongolia компани өөрийгөө тэнцвэржүүлэгч тээврийн хэрэгслийг оруулж иржээ. ₮1,050,000  үнэтэй энэ төхөөрөмжийг 20 метрийн зайд гар утсаар удирдаж болдог.

#3 EEJ - Монгол залуус жирэмсэн эмэгтэйчүүдэд зориулан зөвлөгөө, шаардлагатай үйлчилгээ, мэргэжлийн эмч нартай холбодог аппликейшнийг хөгжүүлж өнгөрсөн арван хоёрдугаар сард хэрэглэгчдийн гарт хүргэжээ. 

#4 TEMUUKA -  Андроид, iOS үйлдлийн системтэй хослон ажиллах зүрхний хэмнэл мэдэрч, алхам хэмждэг ухаалаг цагийг Монгол залуус эх орондоо үйлдвэрлэжээ. ICT Expo-ийн үеэр 150 мянган төгрөгөөр худалдаалж байна.

#5 HUREE VR -  "Хүрээ Медиа" компанийнхан хөгжүүлсэн VR бүтээлүүдийг ICT Expo 2016-д танилцуулж байна.