Бидний тухай
Сурталчилгаа байршуулах
Редакцийн ёс зүй
Нууцлалын бодлого
Холбоо барих
Онцлох
Шинэ
Тренд
Буцах
0
Испанийн орчин үеийн агуу их хоёр зураачид Пабло Пикассо, Сальвадор Дали нарын уран баримал, керамик, зураасан зургийн бүтээлүүдийн эх хувийг Г.Занабазарын нэрэмжит Дүрслэх урлагийн музейн үзэсгэлэнгийн танхимд дэлгэлээ.
Үзэсгэлэнд Оросын бизнесмен, цуглуулагч, соёл, урлагийг ивээн тэтгэгч Александр Шадрины сүүлийн 20-иод жилийн турш цуглуулсан Дали, Пикассо нарын баримал, керамик, зураасан зураг зэрэг 200 орчим бүтээлийг дэлгэжээ.
Александр Шадрин үзэсгэлэнгийн нээлтэд ямаа дагуулж ирсэн бөгөөд энэ нь Дали, Пикассо нар ямаа тэжээдэг, ямаанд хайртай байсныг илэрхийлж байна гэсэн юм.
Тэрбээр:
"Пикассо гэртээ хүртэл ямаагаа тэжээдэг байсан бол Дали нэгэн зочид буудалд буудаллахдаа олон ямаа авчирч байсан гэдэг. Ямаануудтайгаа долоо хоног буудаллаад явсны дараа тэр зочид буудалд засвар хийсэн" хэмээн тэрбээр ярилаа.
"Энэ бол жинхэнэ сюрреализм нээлт. Өмнө нь хэзээ ч Дали, Пикассо хоёр шиг ингэж ямаа авчирч байсан удаагүй. Бид үүнийг давтаж Улаанбаатарт хийж байгаагаараа онцлог юм" гэлээ.
"Улаанбаатарт нээлтээ хийсэн нь гүнзгий утга учиртай. Дали хайртай эхнэр Галагийн гарал үүслийн талаар сонирхолтой түүх олсон юм. Түүний өвөг дээдэс Чингис хааны үр сад байсан. Тэрбээр Казанийн оршин суугчдын үр удам. Казани бол татаруудын нутаг. Татарууд бол Чингисийн үр сад учраас бид Монголд үзэсгэлэнгээ нээсэн юм" гэлээ.
Хайлж буй цаг, нарийхан хөлт заан, шургуулгатай бүсгүй, гал дундах анааш зэрэг Далигийн хамгийн алдартай этгээд санаануудыг энэ үзэсгэлэнгээс харж болно. Мөн уран баримал, зураасан зургийн дүрслэлүүд нь үнэхээр гайхалтай “Өөр нэгэн Дали” энд бий. Тухайлбал: нисдэг эмгэн хумс, титэмтэй ялаанууд, хирсний нуруун дээрх арван долоон далайн зараа гэх мэт.
Пабло Пикассогийн керамикууд түүний бүтээлч хүсэл эрмэлзлэлийн гүн рүү харах боломж олгодог. Эртний хүмүүсийн оюун санаатай нэгтгэх гэсэн урт удаан хугацааны эрэл хайгуул нь түүний керамикуудыг хийх арга, сэдэвт тусгагдсан байдаг.
Домгийн амьтны ертөнц, минотаврууд, бух, вакханалийн баяр цэнгэл, бухын тулаан зэрэг дүрслэлүүд шаазан таваг, ваар саван дээр өөрсдийн байрыг эзэлсэн байдаг. Пикассод амьтад, шувууд урам зориг өгч,керамик дээрээ гэртээ амьдарч байсан шар шувуу, Эсмеральдо ишгийг дүрсэлсэн бүтээлүүд нь бүхэл бүтэн галерей болсон байна.
Тус үзэсгэлэнгийн үеэр С.Далигийн уран бүтээлийн тухай гайхамшигтай кино-аялалыг үзэх болно.
Үзэсгэлэн маргаашнаас эхлэн тавдугаар сарын 29-нийг хүртэл Г.Занабазарын нэрэмжит Дүрслэх Урлагийн Музейн үзэсгэлэнгийн танхимд дэлгэгдэнэ. Тасалбар том хүн 10000, оюутан 7000, хүүхэд 3000 төгрөгөөр тус тус үзэж сонирхох боломжтой.
Испанийн орчин үеийн агуу их хоёр зураачид Пабло Пикассо, Сальвадор Дали нарын уран баримал, керамик, зураасан зургийн бүтээлүүдийн эх хувийг Г.Занабазарын нэрэмжит Дүрслэх урлагийн музейн үзэсгэлэнгийн танхимд дэлгэлээ.
Үзэсгэлэнд Оросын бизнесмен, цуглуулагч, соёл, урлагийг ивээн тэтгэгч Александр Шадрины сүүлийн 20-иод жилийн турш цуглуулсан Дали, Пикассо нарын баримал, керамик, зураасан зураг зэрэг 200 орчим бүтээлийг дэлгэжээ.
Александр Шадрин үзэсгэлэнгийн нээлтэд ямаа дагуулж ирсэн бөгөөд энэ нь Дали, Пикассо нар ямаа тэжээдэг, ямаанд хайртай байсныг илэрхийлж байна гэсэн юм.
Тэрбээр:
"Пикассо гэртээ хүртэл ямаагаа тэжээдэг байсан бол Дали нэгэн зочид буудалд буудаллахдаа олон ямаа авчирч байсан гэдэг. Ямаануудтайгаа долоо хоног буудаллаад явсны дараа тэр зочид буудалд засвар хийсэн" хэмээн тэрбээр ярилаа.
"Энэ бол жинхэнэ сюрреализм нээлт. Өмнө нь хэзээ ч Дали, Пикассо хоёр шиг ингэж ямаа авчирч байсан удаагүй. Бид үүнийг давтаж Улаанбаатарт хийж байгаагаараа онцлог юм" гэлээ.
"Улаанбаатарт нээлтээ хийсэн нь гүнзгий утга учиртай. Дали хайртай эхнэр Галагийн гарал үүслийн талаар сонирхолтой түүх олсон юм. Түүний өвөг дээдэс Чингис хааны үр сад байсан. Тэрбээр Казанийн оршин суугчдын үр удам. Казани бол татаруудын нутаг. Татарууд бол Чингисийн үр сад учраас бид Монголд үзэсгэлэнгээ нээсэн юм" гэлээ.
Хайлж буй цаг, нарийхан хөлт заан, шургуулгатай бүсгүй, гал дундах анааш зэрэг Далигийн хамгийн алдартай этгээд санаануудыг энэ үзэсгэлэнгээс харж болно. Мөн уран баримал, зураасан зургийн дүрслэлүүд нь үнэхээр гайхалтай “Өөр нэгэн Дали” энд бий. Тухайлбал: нисдэг эмгэн хумс, титэмтэй ялаанууд, хирсний нуруун дээрх арван долоон далайн зараа гэх мэт.
Пабло Пикассогийн керамикууд түүний бүтээлч хүсэл эрмэлзлэлийн гүн рүү харах боломж олгодог. Эртний хүмүүсийн оюун санаатай нэгтгэх гэсэн урт удаан хугацааны эрэл хайгуул нь түүний керамикуудыг хийх арга, сэдэвт тусгагдсан байдаг.
Домгийн амьтны ертөнц, минотаврууд, бух, вакханалийн баяр цэнгэл, бухын тулаан зэрэг дүрслэлүүд шаазан таваг, ваар саван дээр өөрсдийн байрыг эзэлсэн байдаг. Пикассод амьтад, шувууд урам зориг өгч,керамик дээрээ гэртээ амьдарч байсан шар шувуу, Эсмеральдо ишгийг дүрсэлсэн бүтээлүүд нь бүхэл бүтэн галерей болсон байна.
Тус үзэсгэлэнгийн үеэр С.Далигийн уран бүтээлийн тухай гайхамшигтай кино-аялалыг үзэх болно.
Үзэсгэлэн маргаашнаас эхлэн тавдугаар сарын 29-нийг хүртэл Г.Занабазарын нэрэмжит Дүрслэх Урлагийн Музейн үзэсгэлэнгийн танхимд дэлгэгдэнэ. Тасалбар том хүн 10000, оюутан 7000, хүүхэд 3000 төгрөгөөр тус тус үзэж сонирхох боломжтой.
