Хаваржилт хүндэрсэн Увс, Баянхонгор, Архангай, Завхан, Дундговь, Сүхбаатар аймгийн 45 суманд амьдарч байгаа 1800 гаруй хүүхэд, 900 гаруй жирэмсэн болон хөхүүл эхэд Нэгдсэн үндэсний байгууллагаас тусламж хүргэхээр болжээ.
Монгол дахь Нэгдсэн Үндэстний Байгууллага “Онцгой байдлын үед зарцуулах НҮБ-ын нэгдсэн сан /CERF/”-гаас 2.4 сая ам.доллар босгож, өвөлжилт, хаваржилт хүндэрсэн аймаг, сумдын эмэгтэйчүүд, хүүхдүүдэд зориулсан хүнс, хоол тэжээл, ариун цэвэр эрүүл ахуйн багц зэргийг багтаасан тусламжийг өчигдөр Онцгой байдлын ерөнхий газарт хүлээлгэн өгөв.
Өнгөрсөн арванхоёрдугаар сараас хойш улсын хэмжээнд нийт малчин өрхийн 41 хувь нь зудад өртөж, өвлийг зутруухан давсан билээ. Үүнээс 100-аас доош тооны малтай 11 800 өрхийн байдал хүнд хэвээр байгаа аж.
НҮБ-ын Хүүхдийн сангаас Эрүүл мэнд, спортын яам, Дэлхийн зөн олон улсын байгууллагатай хамтран хаваржилт хүндэрсэн дээрх сумдад байгаа 6-59 сартай хүүхдүүд болон жирэмсэн, хөхүүл эхэд зориулсан олон найрлагат бичил тэжээлийн бэлдмэлийг хүргүүлж байгаа юм.
Энэ бэлдмэл нь 10 төрлийн амин дэм, 5 төрлийн эрдэс бодис агуулсан байдаг бөгөөд хоол тэжээлийн дуталд орохоос урьдчилан сэргийлнэ. Түүнчлэн дээрх сумдын өрхүүдэд хоол тэжээлийн хурц дутал илрүүлэх үзлэг явуулж, хоёроос доош настай хүүхэдтэй эцэг эх болох жирэмсэн, хөхүүл эхтэй айл өрхүүдэд хоол тэжээлийн зөвлөгөө өгнө.
"Монгол Улсын Засгийн газраас зудад өртсөн аймаг, сумдад дэд бүтэц, нийгмийн үйлчилгээний хүртээмжийг сайжруулах арга хэмжээнд анхаарч ажиллаж байгаа. НҮБ-аас энэ ажил дээр нь дэм болгож, зудад өртсөн 4390 малчин өрхийн нэн тэргүүний хэрэгцээг нь хангах, амьжиргаанд нь туслах зорилгоор хүмүүнлэгийн тусламж үзүүлж байна” гэж Монгол дахь НҮБ-ын Суурин зохицуулагч Биата Транкман онцлон тэмдэглэв.
НҮБ-ын Хүн амын сангаас дээрх сумдад байгаа эмэгтэйчүүд, охидод зориулан 7962 ширхэг ариун цэвэр, эрүүл ахуйн багцыг хүргүүлж байгаа юм. Уг багцанд ариун цэврийн хэрэглэл, дотуур хувцас, оймс, хувцас, гар нүүрийн саван, нүүр гарын алчуур зэргээс гадна шүгэл, зайтай гар чийдэн зэрэг хамгаалах хэрэгслүүд байгаа аж.
“Эмэгтэйчүүд бол Монголын нийгмийн нэг тулгуур багана. Тиймээс зудын үеэр эмэгтэйчүүдийнхээ аюулгүй байдал, онцлог хэрэгцээг хангах нь нэн чухал. Монгол Улсын Засгийн газартай хамтран зудад өртсөн охид, эмэгтэйүүдэд ариун цэвэр, эрүүл ахуйн багцыг хүргэж байгаа нийт малчдын эрүүл мэндийг дээшлүүлэхэд тустай” гэж НҮБ-ын Хүн амын сангийн Суурин төлөөлөгч Наоми Китахара онцлов.
Мөн хаваржилт хүндэрсэн сумдад байгаа 500 орчим жирэмсэн болон төрсөн эхчүүдэд төрөхийн өмнөх болон бусад нөхөн үржихүйн эрүүл мэндийн үйлчилгээ хүргэхэд нь сумын эрүүл мэндийн төвүүдэд дэмжлэг үзүүлж ажиллана.
“Аливаа онцгой байдлын үед хүүхэд, эмэгтэйчүүд хамгийн эмзэг байдаг. Ялангуяа хоол, хүнсний нэр төрөл цөөрсний улмаас бие махбодын хэвийн үйл ажиллагаанд нэн шаардлагатай аминдэм, эрдэс бодисийн дутлын эрсдэл улам даамжирдаг. Цаг уурын хэт хүйтрэл нь хүүхэд амьсгалын замын цочмог халдвар, уушгины хатгалгаа болон бусад халдварт өвчин (улаан бурхан, салхин цэцэг) тусах нь нэмэгддэг. Хоол тэжээлийн дуталтай хүүхдийн дархлаа сул байдаг тул өвчлөх, эндэх эрсдэл нь илүү өндөр. Тиймээс бидний хүргүүлж байгаа олон найрлагат бичил тэжээлийн бэлдмэл нь хаваржилт хүнд байгаа нутгийн хүүхэд, эхчүүдийн дундах өвчлөл, цаашлаад эндэгдлийг бууруулахад онцгой чухал юм” гэж НҮБ-ын Хүүхдийн сангийн Суурин төлөөлөгч Роберто Бэнес хэллээ.
Хаваржилт хүндэрсэн Увс, Баянхонгор, Архангай, Завхан, Дундговь, Сүхбаатар аймгийн 45 суманд амьдарч байгаа 1800 гаруй хүүхэд, 900 гаруй жирэмсэн болон хөхүүл эхэд Нэгдсэн үндэсний байгууллагаас тусламж хүргэхээр болжээ.
Монгол дахь Нэгдсэн Үндэстний Байгууллага “Онцгой байдлын үед зарцуулах НҮБ-ын нэгдсэн сан /CERF/”-гаас 2.4 сая ам.доллар босгож, өвөлжилт, хаваржилт хүндэрсэн аймаг, сумдын эмэгтэйчүүд, хүүхдүүдэд зориулсан хүнс, хоол тэжээл, ариун цэвэр эрүүл ахуйн багц зэргийг багтаасан тусламжийг өчигдөр Онцгой байдлын ерөнхий газарт хүлээлгэн өгөв.
Өнгөрсөн арванхоёрдугаар сараас хойш улсын хэмжээнд нийт малчин өрхийн 41 хувь нь зудад өртөж, өвлийг зутруухан давсан билээ. Үүнээс 100-аас доош тооны малтай 11 800 өрхийн байдал хүнд хэвээр байгаа аж.
НҮБ-ын Хүүхдийн сангаас Эрүүл мэнд, спортын яам, Дэлхийн зөн олон улсын байгууллагатай хамтран хаваржилт хүндэрсэн дээрх сумдад байгаа 6-59 сартай хүүхдүүд болон жирэмсэн, хөхүүл эхэд зориулсан олон найрлагат бичил тэжээлийн бэлдмэлийг хүргүүлж байгаа юм.
Энэ бэлдмэл нь 10 төрлийн амин дэм, 5 төрлийн эрдэс бодис агуулсан байдаг бөгөөд хоол тэжээлийн дуталд орохоос урьдчилан сэргийлнэ. Түүнчлэн дээрх сумдын өрхүүдэд хоол тэжээлийн хурц дутал илрүүлэх үзлэг явуулж, хоёроос доош настай хүүхэдтэй эцэг эх болох жирэмсэн, хөхүүл эхтэй айл өрхүүдэд хоол тэжээлийн зөвлөгөө өгнө.
"Монгол Улсын Засгийн газраас зудад өртсөн аймаг, сумдад дэд бүтэц, нийгмийн үйлчилгээний хүртээмжийг сайжруулах арга хэмжээнд анхаарч ажиллаж байгаа. НҮБ-аас энэ ажил дээр нь дэм болгож, зудад өртсөн 4390 малчин өрхийн нэн тэргүүний хэрэгцээг нь хангах, амьжиргаанд нь туслах зорилгоор хүмүүнлэгийн тусламж үзүүлж байна” гэж Монгол дахь НҮБ-ын Суурин зохицуулагч Биата Транкман онцлон тэмдэглэв.
НҮБ-ын Хүн амын сангаас дээрх сумдад байгаа эмэгтэйчүүд, охидод зориулан 7962 ширхэг ариун цэвэр, эрүүл ахуйн багцыг хүргүүлж байгаа юм. Уг багцанд ариун цэврийн хэрэглэл, дотуур хувцас, оймс, хувцас, гар нүүрийн саван, нүүр гарын алчуур зэргээс гадна шүгэл, зайтай гар чийдэн зэрэг хамгаалах хэрэгслүүд байгаа аж.
“Эмэгтэйчүүд бол Монголын нийгмийн нэг тулгуур багана. Тиймээс зудын үеэр эмэгтэйчүүдийнхээ аюулгүй байдал, онцлог хэрэгцээг хангах нь нэн чухал. Монгол Улсын Засгийн газартай хамтран зудад өртсөн охид, эмэгтэйүүдэд ариун цэвэр, эрүүл ахуйн багцыг хүргэж байгаа нийт малчдын эрүүл мэндийг дээшлүүлэхэд тустай” гэж НҮБ-ын Хүн амын сангийн Суурин төлөөлөгч Наоми Китахара онцлов.
Мөн хаваржилт хүндэрсэн сумдад байгаа 500 орчим жирэмсэн болон төрсөн эхчүүдэд төрөхийн өмнөх болон бусад нөхөн үржихүйн эрүүл мэндийн үйлчилгээ хүргэхэд нь сумын эрүүл мэндийн төвүүдэд дэмжлэг үзүүлж ажиллана.
“Аливаа онцгой байдлын үед хүүхэд, эмэгтэйчүүд хамгийн эмзэг байдаг. Ялангуяа хоол, хүнсний нэр төрөл цөөрсний улмаас бие махбодын хэвийн үйл ажиллагаанд нэн шаардлагатай аминдэм, эрдэс бодисийн дутлын эрсдэл улам даамжирдаг. Цаг уурын хэт хүйтрэл нь хүүхэд амьсгалын замын цочмог халдвар, уушгины хатгалгаа болон бусад халдварт өвчин (улаан бурхан, салхин цэцэг) тусах нь нэмэгддэг. Хоол тэжээлийн дуталтай хүүхдийн дархлаа сул байдаг тул өвчлөх, эндэх эрсдэл нь илүү өндөр. Тиймээс бидний хүргүүлж байгаа олон найрлагат бичил тэжээлийн бэлдмэл нь хаваржилт хүнд байгаа нутгийн хүүхэд, эхчүүдийн дундах өвчлөл, цаашлаад эндэгдлийг бууруулахад онцгой чухал юм” гэж НҮБ-ын Хүүхдийн сангийн Суурин төлөөлөгч Роберто Бэнес хэллээ.