Таэквондогийн Үндэсний шигшээ багийн тамирчид Хандгайт дахь Монголын Үндэсний олимп цогцолборт дөрөвдүгээр сарын 14 хүртэл 14 хүний бүрэлдэхүүнтэй бэлтгэл сургуулилтанд гараад байна.

Таэквондочид дөрөвдүгээр сарын 16-17-нд Филлипин улсын Манила хотод зохиогдох Ази тивийн олимпийн эрхийн тэмцээн болно. Энэхүү тэмцээнд олимпийн эрх авахын төлөө Үндэсний шигшээ багийн тамирчин М.Түмэнбаяр 58кг, П.Тэмүүжин 68кг-д тулалдана. 

Дөрөвдүгээр сарын 18-20-нд Ази тивийн аварга шалгаруулах тэмцээнд Б.Ганцоож 54кг, М.Түмэнбаяр 58кг, А.Нацагдорж 63кг, П.Тэмүүжин 68кг-д тус тус тулалдана.

Дасгалжуулагчаар шигшээ багийн дасгалжуулагч Н.Эрдэнэбаатар болон БНСУ-ын дасгалжуулагч Хур-Инёнг нар ажиллаж байна.