Өнгөрсөн сарын 26-30 өдрүүдэд Казакстаны Алмату хотод болсон таэквондогийн Азийн аварга шалгаруулах тэмцээнд Монгол хүү аварга боллоо.

Найм дахь удаагийн уг тэмцээнд Х.Ерханат 63 кг-д финалийн тоглолтод Казакстаны тамирчинг ялж, төрийн дууллаа эгшиглүүлжээ.

Тэрээр 11 дэх жилдээ таэквондогоор хичээллэж байгаа бөгөөд спортын дэд мастер, Монголын шигшээ багийн тамирчин юм байна. Монгол Улсын дөрвөн удаагийн аварга тэрээр боксын улсын аварга, кик боксын улсын аварга зэрэг олон амжилтыг үзүүлж байжээ.