2008 оноос хойш жил бүр уламжлал болгон зохион байгуулж буй “Сэргээгдэх Эрчим Хүчний Үндэсний Форум” 2016 оны 4 дүгээр сарын 06 –ны өдөр 09:00 цагт Улаанбаатар хотноо “Корпорэйт Хотел энд Конвеншн Центр”-н хүлээн авалтын танхимд зохион байгуулагдах гэж байна.

Тус форумын Ерөнхий зохион байгуулагчаар Эрчим хүчний яам болон Монголын салхины эрчим хүчний ассоциаци, хамтран зохион байгуулагчаар Байгаль орчин, ногоон хөгжил, аялал жуулчлалын яам болон Даян дэлхийн ногоон хөгжлийн байгууллага, дэмжигч байгууллагаар Монголын бизнес зөвлөл болон Зориг сан, мэдээллийн түншээр gogo.mn вэб сайтууд ажиллаж байна.

Энэхүү форумаар сэргээгдэх эрчим хүчний салбарт өрнөсөн тухайн жилийн үйл ажиллагааг хэлэлцэн, ирээдүйд хэрэгжих томоохон төсөл хөтөлбөрүүдийн үйл явцыг олон нийтэд танилцуулах, цаашид энэ салбарт хийгдэх шаардлагатай байгаа чухал ажлуудыг салбарын экспертүүдийн хамтаар хэлэлцэн, цаашид ажил хэрэг болгохыг зорилго болгодог тус салбарын хамгийн том бөгөөд албан ёсны хурал юм.

Тус форумыг нээж УИХ-ын Дарга З.Энхболд үг хэлэх ба одоогийн байдлаар 300 гаруй зочид оролцохоор бүртгүүлээд байна.

СЭРГЭЭГДЭХ ЭРЧИМ ХҮЧНИЙ ҮНДЭСНИЙ ДОЛДУГААР ФОРУМЫН ХӨТӨЛБӨРИЙГ ЭНДЭЭС ҮЗНЭ ҮҮ