Монголбанкны тэргүүн дэд ерөнхийлөгч Болдын Жавхлан ажлаас чөлөөлөгдөх хүсэлтээ Монголбанкны Ерөнхийлөгчид гаргасныг УИХ-ын чуулганы пүрэв гаригийн үдээс өмнөх нэгдсэн хуралдаанаар хэлэлцэж, гишүүдийн олонх нь ажлаас чөлөөлөхийг дэмжээгүй.

Харин үдээс хойших хуралдаанаар УИХ-ын гишүүн Д.Хаянхярваа дээрх тогтоолыг хүчингүй болгож, дахин санал хураалт явуулж өгөхийг УИХ-ын даргаас хүслээ.

Түүний хүсэлтийн дагуу дахин санал хураалт явуулахад гишүүдийн олонх нь ажлаас чөлөөлөхийг дэмжлээ.

Б.Жавхлан нь 2016 оны УИХ-ын сонгуульд нэр дэвшихээр төлөвлөж байгаа учир Сонгуулийн хуулийн дагуу нэгдүгээр сарын 1-нээс өмнө ажлаа өгч байгаа нь энэ юм.