Өчигдөр өглөө 09.00 цагт ХХБ-ны Сонгино Хайрхан дүүрэг дэх салбарт дээрмийн хэрэг гарсан. Хэргийг буутай хоёр этгээд үйлдсэн нь тодорхой болсон юм. Тэд BSB супермаркет дахь ХХБ-ны хойд хаалгаар нэвтэрчээ. Энэ хаалгыг гадна талаас нь хянах ямар нэг камер байрлуулаагүй байсан байна.      

Хэрэг гарсан өдөр амралтын өдөр байсан тулд дэлгүүр 11.00 цагт нээх ёстой байжээ. Тийм учраас дэлгүүр нээгдэхээс өмнө ард талын хаалгаар банкны салбар руу ордог аж. Буутай этгээдүүд тус банкны тааз руу гал нээсэн гэж тус салбарын ажилтан хэллээ. Азаар хүн гэмтээгүй бөгөөд эд материалын хохирол ч үүсээгүй гэнэ. 

Энэ хэргийн талаар ХХБ-ны Маркетингийн албанаас өнөөдөр хэвлэлийн бага хурал зохион байгуулахаар болжээ.  Хэрэг гарсан салбарын үйл ажиллагаа өнөөдөр хэвийн үргэлжилж байна.     

Шинэчлэлт:

Худалдаа хөгжлийн банкны Таван Шар тооцооны төвийн ард талын хаалга нь хяналтын камергүй бөгөөд хойшоо чиглэлдээ явдаг замд ч гэсэн ганцхан хяналтын камераас өөр хянах зүйл байхгүй байсан юм.