Одоогоос 700 гаруй жилийн өмнө Бээжингийн баяд ноёдын зооглодог байсан дэлхийд алдартай Бээжин нугасыг Монголдоо бүрэн утгаар нь зооглох боломжтой боллоо.

Бүрэн утгаар нь гэж онцолдгийн учрыг тайлбарлая.

Бээжин нугасыг том зуухны улайссан илчээр болгож, зочдын дэргэд нямбайлан хэрчиж, амтат буурцгийн жан, бин, өргөст хэмхийн хамт бэлтгэдэг уламжлалтай. Тэгвэл яг л эх нутагт нь зооглох мэт тэр л уламжлал, мэдрэмжийг “Хутон” ресторан танд амлаж байна. Өөрөөр хэлбэл та Монголд анх удаагаа ил зууханд Бээжин нугасыг амтлах юм.

Бээжин нугасны давтагдашгүй өвөрмөц амт нь галыг өрдөх модноос шууд хамааралтай юм билээ. Тиймээс ч үйлчлүүлэгчдийнхээ сэтгэл ханамжид нийцүүлэхийн тулд тусгайлан тэжээсэн нугасны махаа төрөлх нутгаас нь авчрахаас гадна Нанжинаас түлээгээ зөөдөг гэсэн. Түлээний хувьд зүгээр ч нэг мод биш заавал тоор юм уу лийрийнх байх ёстой аж.

Рестораны нэрийн хуудас бол яах аргагүй амтат зоог бэлтгэдэг тогооч нар. Тэгвэл “Хутон”-д Бээжин нугасны хамгийн алдартай ресторанд үүрэг гүйцэтгэж байсан Жан Юүн Ли тогооч ажилладаг. Тэрбээр 1864 онд байгуулагдсан үндэсний хоолоороо дэлхийд алдартай “Кванжуд” ресторанд мэргэшсэн тогооч юм.

“Хутон” рестораны хувьд 130 хүн хүлээн авах хүчин чадалтай бөгөөд 10, 14, 18, 32 хүний дөрвөн төрлийн VIP өрөөтэй.

Түүнчлэн ширээ бүрд индүкцэн зуух суурилуулсан учраас халуун тогоогоор үйлчлүүлэх боломжтой юм байна. Эднийх зоогоо энгийн Hot Pot буюу металл халуун тогоонд бус Clay Pot буюу шавар тогоонд бэлтгэдгээрээ ижил төрлийн ресторануудаас онцлогтой.

“Хутон” гэдэг нь Юан гүрний үед бий болсон Хятадын нарийн гудмыг хэлдэг бөгөөд Монголын “Худаг” гэх үгнээс үүсэлтэй аж. Үүнтэй уялдуулан тус ресторан логоныхоо дунд худгийн зураг байрлуулж өгчээ.

Сонирхуулахад, Бээжин нугас нь “Үхэхээсээ өмнө амжиж зооглох дэлхийн хамгийн амттай арван зоог”-ийг тэргүүлдэг байна.