Нярайн эрт үеийн нэн шаардлагатай тусламжийг орчин үеийн тоног төхөөрөмжтэй, олон улсын жишигт нийцсэн дотоод зохион байгуулалттай, тав тухтай тасагт үзүүлэх боломжийг Эх хүүхдийн эрүүл мэндийн үндэсний төв олгож байна.

ЭХЭМҮТ-ийн Эх барих эмэгтэйчүүдийн эмнэлэг өнөөдөр энэ шинэ тасгийнхаа нээлтийг хийлээ.

Анх 1987 оноос үйл ажиллагаагаа явуулж ирсэн тус тасаг 2013 оноос Эрүүл нярайн хэсэг 75 ортой, дутуу нярайн эрчимт эмчилгээний хэсэг 17 ортойгоор 2 хэсэгт платны зохион байгуулалтаар үйл ажиллагаа явуулж байжээ.

Энэ хугацаанд урсгал засвар төдийгөөр өнгө оруулж байсан гэдгийг эмнэлгийн эмч, мэргэжилтнүүд хэлж байна.

Өнгөрсөн жил тус тасагт 11260 нярайд тусламж үзүүлж байсан бол дутуу нярай эрчимт эмчилгээний хэсэгт 1530 нярайд тусламж үйлчилгээ үзүүлж байжээ.

Гэрэл зургийг Б.Бямба-Очир / MPA.mn