-Шинзо Абэгийн айлчлал-

Японы Ерөнхий сайд Шинзо Абэ энэ сарын 22-28-ны өдрүүдэд Монгол болон Туркменистан, Казахстан, Киргиз, Тажикистан гэсэн Төв Азийн дөрвөн улсад айлчлал хийнэ.

Тэрээр энэхүү айлчлалаа өнөөдөр Монгол Улсаас эхлүүлж байна. Шинзо Абэгийн онгоц дөнгөж сая Чингис хаан олон улсын нисэх буудалд газардсан бөгөөд түүнийг Гадаад хэргийн сайд Л.Пүрэвсүрэн угтаж авлаа.

Дөрөв гаруй цаг үргэлжлэх айлчлалынхаа хүрээнд тэрээр Ерөнхийлөгч, Ерөнхий сайд нартай уулзаж, яриа хэлэлцээр хийнэ.

Гэрэл зургийг Б.Бямба-Очир