Монголын үндэсний худалдаа аж үйлдвэрийн танхим ОХУ-ын “Бизнес контакт” компанитай  хамтран энэ сарын 20-22-ны өдрүүдэд олон улсын “Азийн хаалга 2015” Монгол, Оросын бизнес эрхлэгчдийн бизнес форумыг зохион байгуулж байна.

Тус үзэсгэлэнд ОХУ-ын Москва, Новосибирск, Красноярск, Омск, Эрхүү муж, Ангарск, Братск, Иваново, Алексеевка хотууд, Алтайн хязгаарын Барнаул, ОХУ-ын Бүгд найрамдах Буриад, Украин улсын аж ахуйн нэгжүүд оролцож байгаа юм.

Үзэсгэлэнгийн үеэр  Монгол, Оросын бизнес эрхлэгчдийн бизнес форум болох бөгөөд энэ удаагийн форумаар “Орос-Монгол-бизнесийн шинэ хөгжил” гэсэн сэдвээр хэлэлцүүлэг өрнөх аж.

Үзэсгэлэн МҮХАҮТ-д болж байгаа бөгөөд энэ сарын 22 хүртэл үргэлжилнэ.

Гэрэл зургийг: Б.Бямба-Очир