БИ МОНГОЛ ХҮНИЙ САРУУЛ УХААНД ИТГЭДЭГ. Өнөөдөр аравдугаар сарын 2-ны өдөр. Монголын Улс төрийн түүхэнд хар толбо тогтсон тэр өдөр. Монголын төр, нийгмийн нэрт зүтгэлтэн, УИХ-ын гишүүн, Засгийн газрын гишүүний үүрэг гүйцэтгэгч Санжаасүрэнгийн Зоригийг хэрцгийгээр хөнөөсөн өдөр.

Баруун хойшоо харуулан барьсан түүний хөшөөг зүүн гартаа дипломат цүнх барьж, баруун гартаа янжууртайгаар дүрсэлсэн юм

Өнөөг хүртэл түүний амийг бүрэлгэсэн хэрэг бүрхэг хэвээр байна. Жил бүрийн эл өдөр хийгээд түүнийг хорвоод мэндэлсэн дөрөвдүгээр сарын 20-ны өдөр сэтгүүлчид С.Оюун гишүүнээс алуурчныг олох боломжтой үгүйг асуудаг хэдий ч “Би хэрэгтнийг олно гэдэгт итгэдэг” хэмээн хариулдаг билээ.

Монголын улс төрийн салбарт гэрэлтээд өнгөрсөн түүний дурсгалыг хүндэтгэж 1999 онд Б.Дэнзэнгийн эх загвараар хүрэл, бетоноор цутгасан хөшөөг Төв Шуудангийн замын эсрэг талд байршуулжээ.

Баруун хойшоо харуулан барьсан түүний хөшөөг зүүн гартаа дипломат цүнх барьж, баруун гартаа янжууртайгаар дүрсэлсэн юм. Учир нь С.Зориг агсан ном уншиж, шатар тоглонгоо Оросын Стюардес тамхи татах дуртай байсан гэдэг.

Тэрбээр 36 жил энэ хорвоод үдлээд буцахдаа дараах үгсийг хэлж байсан нь өдгөө ч үнэ цэнээ алдаагүй юм:

• Би монгол хүний саруул ухаанд итгэдэг
• Бидний хувь заяа бидний гарт л байна
• Монгол хүн гэдэг өөрөө асар их эрдмийн уурхай
• Залуучуудыг дэвшvvлж гаргах нь зөв. Харин мэргэжлийн өндөр ур чадвартай хvмvvст зайлшгvй тулгуурлан ажиллах шаардлагатай. Одоо тэднийхээ vгийг сонсохгvй байх хандлага зарим газар илрээд байна. Төрийн залгамж холбоо гэдэг юм зайлшгvй зvйл.
• Улс төрч өөрөө асар ухаантай хvн байх шаардлагагvй. Тодорхой хэмжээний өргөн мэдлэг, хvмvvсийг өөртөө татаж, хойноосоо дагуулах чадвар шаардлагатай. Бусад хvний оюуныг зөв ашиглаж, тэдний хуримтлуулсан мэдлэгийг бөөгнөрvvлээд чиглvvлж чаддаг байх нь чухал. Чадалтай хvмvvстэй нягт хамтран ажиллаж чадвал тэр нь хамгийн сайн чанар.
• Шинэ баялгийг бий болгохын тулд хөрөнгө оруулалтыг нэмэгдvvлэх, ингэснээр хvмvvсийг ажилтай болгох нь чухал.
• Улс төрд шийдвэр гаргахдаа дараах 4 ашиг сонирхлыг дараалж авч vзэх хэрэгтэй.
• Эхний ээлжинд улсынхаа ашиг сонирхлыг. 
• Намынхаа ашиг сонирхлыг. 
• Аливаа нэг санхvv эдийн засгийн бvлэгт ордог, тийм сонирхол байдаг бол бvлгийн сонирхлыг. 
• Хувийн сонирхлоо тавья. Энэ дарааллаа алдаж болохгүй алдах юм бол ялзрах тvвшинд орно….” гэжээ.