Уул Уурхайн сайд Р.Жигжид  хэвлэл мэдээллийнхэнтэй уулзаж салбарын асуудлаар мэдээлэл өгсөн. Энэ үеэр тэрбээр Оюу толгойн санхүүжилттэй холбоотой асуудлаар байр сууриа илэрхийлсэн юм.

Уул уурхайн сайд Р.Жигжид “Оюутолгойн санхүүжилтыг гадаадын болон олон улсын банк санхүүгийн байгууллагаас босгоно. Ингэхийн тулд Техник, эдийн засгийн үндэслэл /ТЭЗҮ/ бэлэн болсон байх шаардлагатай. Үүнийг саяхан Эрдэс баялгийн мэргэжлийн зөвлөл хүлээгээд авчихлаа."Оюу толгой" компанийн бидэнд өгч байгаа мэдээллээс үзвэл далд уурхайн бүтээн байгуулалтын санхүүжилт энэ оны сүүлээр тодорхой болно.

Наймдугаар сард Рио Тинтогийн удирдах зөвлөл Оюутолгойн далд уурхайн бүтээн байгуулалтын бэлтгэл ажилтай холбоотой санхүүжилтийг баталсан. Энэ хүрээнд далд уурхайг ашиглахад шаардлагатай тоног төхөөрөмж, бэлтгэл ажил саадгүй явж байгаа гэж бид ойлгож байна.

Ингэхээр энэ оны сүүлээр далд уурхайн бүтээн байгуулалттай холбоотой санхүүжилтийн асуудал тодорхой болно гэж бодож байна. Өөрөөр хэлбэл энэ санхүүжилтэд оролцох олон улсын банк санхүүгийн байгууллагатай хөрөнгө оруулагч тал яриа хэлэлцээ явуулж байгаа гэж ойлгосон.

Бид аль болох хурдан санхүүжилт нь шийдэгдэхийг хүсч, тийм шаардлага тавьж байгаа” хэмээн Гаүли үнэт цаасны компаниас мэдээлэв.

Гэрэл зургийг ot.mn-ээс ашиглав.