Юнител групп  болон Монгол контент ХХК-ийн удирдлагууд хамтран ажиллах гэрээнд өнөөдөр гарын үсэг зурлаа. Ингэснээр байгуулагдсан цагаасаа эхлэн гар утас, интернэт хэрэглэгчдэд олон төрлийн контент нийлүүлсээр ирсэн Монгол контент ХХК,  Юнител групптэй хамтран ажиллах эхлэлийг тавилаа.

Энэ удаад Монгол контент компани аудио контент болох Монголын хамтлаг дуучдын бүтээлийг албан ёсны эрхтэйгээр нийлүүлнэ. Тэдгээрийг Юнител групп Unimusic үйлчилгээгээрээ дамжуулан хэрэглэгчдэдээ хүргэх юм.

Өнөөдөр эхлэлийг нь тавьсан хамтын ажиллагааны талаар ЮНИТЕЛ группын ерөнхий захирал Р.Ганболд:

"Юуны өмнө контентын зах зээлд арван жилийн турш амжилттай ажилласан Монгол Контент компанид 10 жилийн ойн баярын мэнд хүргэе. Контентын зах зээлд амжилттай ажилласаар ирсэн Монгол контент компанитай бид дуу хөгжмийн зах зээлд хамтран ажиллах гэрээ үзэглэлээ.  Бид цаашдаа Монгол контент компанитай хамтран дуу хөгжмийн үйлчилгээг Юнител группын хэрэглэгчид хүргэнэ. Бидний хамтын ажиллагаа улам өргөжнө гэж найдаж байна” гэсэн юм.  

МОНГОЛ КОНТЕНТ компанийн гүйцэтгэх захирал Г.Гантуяа:

"Манай компани арван жилийн өмнө энэ өдөр байгуулагдсан түүхтэй. Ойн баярын өдрөөрөө Монголын хоёр дахь том үүрэн холбооны оператортой хамтран ажиллах болсондоо баяртай байна" гэлээ.