Монгол Улс 2020 он гэхэд элэгний өвчлөлгүй орон болох зорилтынхоо эхний алхмыг хийж, 130 гаруй эмч нарт сургалт явуулжээ.

Хоёр өдрийн турш Эрүүл мэнд, спортын яам, Халдварт өвчин судлалын үндэсний төв, АНУ-ын GLead Sciences компанитай хамтран “Вирүст хепатитийн оношилгоо, эмчилгээ” сэдэвт олон улсын давтан сургалтыг хийсэн байна.

Сургалтад ХӨСҮТ, Улсын I, II, III төв эмнэлэг, 21 аймаг, есөн дүүргийн нэгдсэн эмнэлэг, АШУҮИС, Сонгодо, Интермед, Грандмед Интерферон альфа зэрэг томоохон хувийн хэвшлийн эмнэлгийн гастроэнтерологи, халдвартын эмч нар оролцжээ.

Уг сургалтад,

• Эрүүл мэнд, спортын яамны халдвар, нян судлалын ерөнхий мэргэжилтэн академич П.Нямдаваа,
• дотрын ерөнхий мэргэжилтэн С.Наранцэцэг,
• Их Британи улсын Лондогийн Их сургуулийн профессор Европын элэг судлалын нийгэмлэгийн Удирдах зөвлөлийн Боловсролын зөвлөх Жефри Душейко,
• АНУ-ын Калифони дахь Станфордын Их сургуулийн элэг судлалын тэнхмийн эрхлэгч, вирүст хепатит ба элэгний хавдарын эмчилгээний чиглэлээр эмнэлзүйн судалгаа хөтөлбөрүүдийг удирддаг дэд профессор Миндие Х Нгуеэн зэрэг олон эрдэмтэн, судлаачид илтгэл тавьсан байна.