Барилгын материал үйлдвэрлэгч ЖДҮ эрхлэгчдэд тогтвортой санхүүжилт, үйлдвэрлэл, эко зээл, хог хаягдал ба эдийн засгийн харилцааны талаар мэдээлэл өгч, оролцогчдод харилцаа холбоо тогтоох, хамтын ажиллагаагаа өргөжүүлэх боломжоор хангах зорилгоор "Бизнес эрхлэгчдийг холбох үйл ажиллагаа"-г гурав дахь удаа зохион байгуулжээ.

Энэ үеэр бизнес эрхлэгчдийн үйлдвэрлэл, үйлчилгээг дэмжих хөрөнгө оруулалт, санхүүжилтийн боломжуудаа танилцууллаа.

-Нийслэлийн Өмчит Улаанбаатар Хөрөнгө Оруулалт, Менежмент ХХК /Нийслэлийн аж үйлдвэр, барилга, авто тээвэр, дэд бүтэц, эрчим хүчний салбарын хөрөнгө оруулалтын “Нийслэлийн Хөгжлийн Сан”, Нийслэлийн агаар, орчны бохирдлыг бууруулах, байгаль хамгаалал, цэвэр технологийг дэмжин Ногоон хотыг байгуулах хөрөнгө оруулалтын “Нийслэлийн Ногоон Сан”/

-Нийслэлийн Орон Сууцны Корпораци /Улаанбаатар хотын орлогод нийцсэн ногоон орон сууц ба дасан зохицох чадвар бүхий хотын шинэчлэл салбарын төсөл/

-Голомт Банк /Хямд эх үүсвэртэй төслийн зээлүүд болох Жайка зээл, ADB, KFW төслийн зээлийн нөхцөл, шаардлагууд/

-Хаан Банк /Бага хүүтэй, уян хатан нөхцөлтэй зээлийн боломжууд/-ны төлөөлөл оролцсон байна.

Барилгын салбарын бизнес эрхлэгчдийг холбох дараагийн үйл ажиллагаа өнөөдөр 15.00 цагт болно. Оролцох бол та дараах холбоосоор эсвэл 7013-5899 утсаар бүртгүүлээрэй.