Хүн төрөлхтний өмнө тулгарсан байгаль орчин, уур амьсгалын өөрчлөлтийн "ИХ" эрсдлийг багасгахад дэлхийд болон Монгол оронд ямар арга хэмжээ авч буй талаар байгаль орчны судлаач, мэргэжилтнүүд хэлэлцэх гэж байна.

Хэлэлцүүлэгт Английн Даниел Прайс тэргүүтэй эрдэмтэд оролцох юм.

Өнөөдөр НҮБ-ын байранд 10.00-12.00 цагийн хооронд болох хэлэлцүүлэгт оролцох эрдэмтэд POLEtoPARIS аяны хүрээнд Өмнөд болон Хойд туйлд хүрч, дэлхийг тойрон, олон мянган км зам туулан аялсаар энэ долоо хоногт Монголд иржээ.

Тэд уур амьсгалын өөрчлөлт, байгаль, эх дэлхийгээ хайрлахад хүмүүсийн анхаарлыг хандуулах, шинжлэх ухааны үндэслэлтэй бодлого шийдвэр гарган, дорвитой алхам хийх, POLEtoPARIS аянд нэгдэхийг уриалдаг байна.