Лесбиян гей бисексуал трансжендер төвөөс санаачлан энэ сарын сүүлчээс эхлэн долоо хоногийн турш "Тэгш эрх, бахархлын өдрүүд"-ийг тэмдэглэхээр болжээ.

Өнгөрсөн жил хоёр дахь удаа зохион байгуулсан “Тэгш эрх, бахархалын өдрүүд”-ийн нээлтэнд бэлгийн чиг баримжаа, хүйсийн баримжаа үл хамааран хүн бүрийн эрх тэгш байдлын төлөө НҮБ-ын Монгол дахь суурин төлөөлөгч Сезин Синанолу, Моханик хамтлагийнхан, МУГЖ Харангын Лхагваа нар нэгдсэн. Энэ жил илүү олон хүн бүх хүний эрх тэгш байдлын төлөө ирж, дуу хоолойгоо өргөнө.

Тэдний дунд Монгол дахь элчин сайдууд, парламентын гишүүд, Ази, Номхон далайн бүсийн хүний эрхийн үндэсний байгууллагуудын төлөөллүүд байх юм. Ингээд энэ сарын 29-нөөс ирэх сарын 6-ныг хүртэл дараах цуврал үйл ажиллагааг зохион байгуулахаар төлөвлөжээ.

• Юу: Тэгш эрхийн төлөө алхалт
• Хэзээ: 2015/8/29 Хэнд: Хүний эрхийг дэмжигч бүх хүнд нээлттэй
   
• Юу: "Цэнхэр тэнгэрийн цаана" ЛГБТ кино наадам
• Хэзээ: 2015/8/29 ба 30
• Хэнд: Бүгдэд нээлттэй, хандивын хайрцагтай
   
• Юу: Тэгш эрх, бахархалын үдэшлэг
• Хэзээ: 8-р сарын 29, 21 цагаас
• Хэнд: 21 нас хүрсэн, такс төлөх чадвартай бүх хүнд нээлттэй
• Такс: 20 мянга
• Хувцаслалт: Өнгөлөг
   
• Юу: "Эрхийн төлөө урлаг" мультимедия үзэсгэлэнгийн нээлт
• Хэзээ: 2015/8/31
• Хэнд: Зөвхөн урилгаар
   
• Юу: "Эрхийн төлөө урлаг" мультимедия үзэсгэлэн
• Хэзээ: 2015/9/1-2015/9/6
• Хэнд: Бүгдэд нээлттэй, төлбөргүй
   
• Юу: Тэгш эрх, бахархалын өдрүүдийн сэдэвчилсэн, нээлттэй хэлэлцүүлгүүд
• Хэзээ: 8-р сарын 31, 9-р сарын 2 ба 4
• Хэнд: Бүгдэд нээлттэй, төлбөргүй
   
• Юу: ЛГБТ театрын төсөл “Dear Diary” vol. 1 (Тэгш эрх, бахархалын өдрүүдэд зориулав) Хэзээ: 19 цагаас, 9-р сарын 5
• Хэнд: Бүгдэд нээлттэй, төлбөргүй
   
• Юу: Бaхархалын зугаалга
• Хэзээ: 2015/09/06
• Хэнд: 3 дахь "Тэгш эрх, бахархалын өдрүүд"-ийг зохион байгуулахад гар бие оролцсон бүх хүмүүстэй хамт явна
   
• Юу: "Бахархалын шоп" ЛГБТ эрхийг дэмжигсдийн гар урлал болон хувцасны худалдаа Хэзээ: 2015/08/28-2015/09/06

Дээрх үйл ажиллагааг Монголын ЛГБТ Төв, Нээлттэй нийгэм хүрээлэн, ILGA World, InterPride, Ханзо зэрэг байгууллага хамтран зохион байгуулах юм.

Гэрэл зургийг city-centinel.com-оос ашиглав.