2015 оны зургаадугаар сард Киргиз улсад зохион байгуулагдсан олон улсын урлагийн нэгдсэн үзэсгэлэнд Х.Содномцэрэн, Б.Баасансүрэн, Д.Булгантуяа, М.Ган-Очир, Б.Мөнхбаатар ба Б.Мягмарлхам нар Монгол Улсыг төлөөлөн оролцсон. Тус үзэсгэлэнд Якут, Буриад, Киргиз болон Тажикстан улсын ардын болон шагналт зураачид оролцжээ.

Энэхүү үзэсгэлэнг "Караван Арт Галерей"  Монгол талаас зохион байгуулсан бөгөөд тус үзэсгэлэнд оролцсон зураачид Төв Ази, Монголын соёл ба түүхийн онцлог, ижил төстэй талуудыг өөрсдийн өвөрмөц өнгө аястай уран бүтээлээрээ тодруулж харуулснаараа онцлог болсон юм.

Эдгээр зургаан уран бүтээлчийн "Монгол зураачид уран бүтээлийн эрэлд" уран зургийн үзэсгэлэнг энэ сарын 10-наас 15-ныг хүртэл Караван Арт Галерейд дэлгэх аж.

Мөн үзэсгэлэнгийн үеэр "Цөлийн дунд мартагдсан бүтээл" баримтат киног үзүүлнэ.

Караван арт галерей нь Монгол болон Төв азийн соёлын өв уламжлалыг орчин үеийн хэв загвартай хослуулсан шинэлэг бүтээлийг дэмжих зорилготой. Түүнчлэн тус галерей нь залуу уран бүтээлчид болон дизайнаруудыг дэмжих чиглэлээр ашгийн бус төслүүд ба үзэсгэлэнг санаачлан зохион байгуулж байна. Мөн өөрийн Дашима бренд дээр Монгол хэв маягыг агуулсан гар урлал, гэр ахуйн бүтээгдэхүүнийг худалдаалдаг аж.

Хаяг: Занабазарын музейгээс хойшоо 30 метр.