Монгол Улсад анхны, ардчилсан, чөлөөт сонгуулийг зохион байгуулсан түүхэн үйл явдлын 25 жилийн ой энэ өдрүүдэд тохиож байна.

Энэ баярт зориулсан, олон улсын хүндэтгэлийн хуралд оролцохоор ирсэн Киргизийн Ерөнхийлөгч асан Роза Отунбаева “976” арт галерейд зочилжээ.

Тэрээр уран бүтээлч Г.Гэрэлхүү, Б.Баатарзориг, Б.Номин, Д.Үүрийнтуяа нарын бүтээлүүдийг үзэн, Монгол уран бутээлчид өндөр түвшинд хүрснийг дурдаад, олон улсын тавцанд танигдаж эхэлсэн тэднээс бидэнд ч суралцах зүйлс их байна гэжээ.

Манай улсад өмнө нь хэд хэдэн удаа ирсэн Роза Отунбаева дүрслэх урлагт дур сонирхолтой учир Киргизийн уран бүтээлчдийг олон улсад таниулахад туслах бодол тээж явдаг аж.