Ерөнхий сайд Ч.Сайханбилэг өнөөдөр УИХ-ын дарга З.Энхболдод Засгийн газрын зарим гишүүнийг чөлөөлөх, томилох тухай асуудлаар тогтоолын төслөө өнөөдөр өргөн мэдүүлнэ.

АН-ын Гүйцэтгэх зөвлөлөөс МАН-тай Засгийн газарт хамтран ажиллах гэрээгээ цуцлах шийдвэр гаргасан. Энэ шийдвэрийг биелүүлэхийн тулд Ерөнхий сайд Ч.Сайханбилэг кабинетийнхаа бүрэлдэхүүнд багтсан МАН-ын зургаан сайд, долоон дэд сайдыг чөлөөлөх тогтоолын төслийг УИХ-д өргөн мэдүүлж, УИХ-аар хэлэлцүүлэн шийдүүлэх учиртай.

Ерөнхий сайд уг тогтоолын төслөө өнөөдөр 13.00 цагт өргөн мэдүүлнэ хэмээн зар түгээсэн.

14.00 цагийн орчимд Ерөнхий сайд Ч.Сайханбилэг, ЗГХЭГ-ын дарга С.Баярцогт нар УИХ-ын даргын албан өрөө рүү орсон боловч хэсэг хугацааны дараа тогтоолын төсөл өргөн мэдүүлэх асуудлыг 16.00 цагт болгож хойшлууллаа хэмээн хэвлэлийн төлөөлөгчөөрөө дамжуулан мэдээлээд, өөрсдөө УИХ-ын даргын өрөөнөөс гарч ирсэнгүй.

Засгийн газрын гишүүдийг огцруулах, томилох асуудлыг наймдугаар сарын 3-ны өдөр буюу ирэх даваа гаригт эхлэх УИХ-ын хаврын ээлжит бус чуулганаар хэлэлцэнэ. Ээлжит бус чуулганаар хэлэлцэх зургаан асуудлын нэгдүгээрт сайдуудыг чөлөөлөх, оронд шинэ сайдуудыг томилох асуудлыг тусгасан байна.


Гэрэл зургийг zasag.mn