Баян-Өлгий аймгийн нутаг, Алтай таван богд ууланд авирч байсан таван хүн сураггүй алга болсон.

Энэ асуудлаар өнөөдөр ОБЕГ-ийн Олон нийттэй харилцах чиглэлийн мэргэжилтэн Б.Оюун-Эрдэнэ мэдээлэл өглөө. 

Тэрбээр энэ талаар “Алтай Таван Богдын Хүйтний оргилоос таван хүний цогцос олсон. Эдгээр нь сураггүй болсон уулчид мөн эсэх нь одоогоор тодорхойгүй байгаа бөгөөд Баян-Өлгий аймгийн цагдаагийн газрын шинжээч нар таниулах ажиллагаа хийж байна. Таниулах ажиллагааны дараа сураггүй болсон уулчид мөн эсэх нь тогтоогдоно. Түүнчлэн өнөө орой эсвэл маргааш өглөөдөө багтааж эдгээр хүмүүсийн цогцосыг хотод авчирна" гэсэн юм.

ОБЕГ-аас өгсөн мэдээллээр уулчдын цогцсыг өчигдөр олсон байна. Талийгаачдыг осгож нас барсныг эхний байдлаар тогтоожээ.

Сануулахад Алтай Таван Богд ууланд авиралт хийсний 100 жилийн ой энэ жил тохиож байгаа. 100 жилийн ойд зориулсан авиралт наадмын үеэр тохиож, Монголын өнцөг булан бүрээс, хилийн чанадаас олон уулчин, клуб, уулын спорт сонирхогч, аялагчид Алтай Таван Богдыг зорьжээ.

Гэрэл зургийг Б.Бямба-Очир