Буриадын алдарт уран барималч Дашийн Намдаковын бүтээсэн Эзэн Чингис хааны хөшөө Их Британийн нийслэл Лондон хотод байсан юм. Энэ хөшөөг УИХ-ын гишүүн Д.Бат-Эрдэнэ 2 сая орчим еврогоор худалдан авч, Монголд авчирчээ.

Одоо хөшөөг байрлуулах л үлдээд байна. Харин хаана байрлуулах талаар ЗГХЭГ-ын дарга С.Баярцогтоос лавлахад “Би өмнө нь ч тодорхой хэлсэн. Шинэ хөшөөг Чингисийн  талбайд байрлуулахгүй. Чингис хааны хоёр өөр хөшөөг нэг дор байрлуулах нь зохимжгүй. Олны хөл ихтэй газар буюу Үндэсний цэцэрлэгт хүрээлэнд байршуулбал ямар вэ гэж бид ярилцаж байна. Чингисийн талбайд байршуулах тухай би огт яриагүй” гэсэн юм.

Дашрамд хэлэхэд Буриадын уран барималч Д.Намдаковын бүтээлүүд маш өндөр үнээр худалдаалагддаг байна. Эрх баригчид энэ хөшөөг БНХАУ-аас өрсөн, бодлогоор худалдаж авснаа ч мэдэгдэж байсан юм.