Үндэсний их баяр наадмын Соёл урлагийн салбар хорооны ерөнхий продюссероор “Номадс” сүлжээ рестораны эзэн М.Есөнмөнх ажиллана.

Манай улс өнгөрсөн гуравдугаар сард болсон “ITB-Berlin” дэлхийн аялал жуулчлалын салбарын хамгийн том үзэсгэлэнд анх удаа түнш орноор оролцож, эх орноо дэлхийд сурталчилсан. Уг арга хэмжээнд М.Есөнмөнх продюссерээр амжилттай ажилласан хэмээн үнэлэгдэж наадмын концертыг хариуцах эрх авсан бололтой.

Энэ жилийн баяр наадмын нээлтийн концертыг найруулах хүнийг томилоогүй бөгөөд ерөнхийд нь наадмын урлагийн тоглолтын найруулагчаар Цэргийн дуу бүжгийн эрдмийн чуулгын найруулагч Ч.Ганхуяг, Улсын дуурь бүжгийн эрдмийн театрын найруулагч Н.Болд нар ажиллахаар болжээ.