Өнөөдрөөс буюу 2015 оны тавдугаар сарын 21-25-ны өдрүүдэд харилцаа холбоо, технологийн салбарын шинэлэг бүхнийг нээн харуулж, хөгжлийг нь илтгэх ICT EXPO 2015 эхэлж байна. Энэхүү экспогоос манай GoGo News Agency шууд мэдээллүүдийг та бүхэнд хүргэх болно.

Бидний шийдэл хөгжлийн хурдасгуур уриатай зохион байгуулж буй үзэсгэлэн нээлтийн видеогоор эхэллээ.


Яг одоо Никитон хамтлагийн дуучин Батчулуун Нандин шүтээн дууг зочид, оролцогчдод дуулж байна.

Тайзнаа саяхан Авьяаслаг Азиуд наадмын хоёрдугаар байрыг эзэлсэн Хөсөгтөн хамтлаг ая дуугаа өргөж байна.

Олон улсын цахилгаан холбооны байгууллагын мэндчилгээг хүргэж байна. 150 дахь жилтэйгээ золгож байгаа тус компанийн ерөнхий нарийн бичгийн дарга Хуа Лин Жао интернэт мэндчилгээг илгээснийг зочдод үзүүлж байна.

Засгийн газрын Мэдээлэл, технологийн хэлтсийн дарга Ч.Даваажамц үг хэлж байна. Тэрбээр "Өнгөрсөн хугацаанд шилэн дансны нэгдсэн системийг нэвтрүүлж 7000 гаруй төрийн байгууллага энэ системийг ашиглаж байна. Хувийн үйлчилгээг онлайн хэлбэрээр хүргэх ажлыг хэрэгжүүлж эхний үр дүнд хүрээд байна. Төрийн үйлчилгээний цахим систем буюу ТҮЦ машинаар дамжуулан хүргэж байна" гэлээ.

Мөн "Малчид цаг агаарын мэдээллийг 3G сүлжээгээр хардаг болсон, дэлхийн тэргүүлэх сувгуудыг HD-ээр үздэг болсон" гээд мэдээллийн технологийн компаниудын хувь нэмэр их байгааг тэрээр онцоллоо.

Мэдээллийн технологи, шуудан, харилцаа холбооны газрын дарга Ц.Жадамбаа үг хэлж байна. Тэрбээр "Мэдээллийн технологийн хурдасгуур, шийдлээр мазаалайг хамгаалж, хайрлаж чадах учраас энэ амьтныг бэлгэ тэмдгээ болгон сонгож авсан" гэдгийг онцлоод үзэсгэлэнгийн ерөнхий ивээн тэтгэгчээр ажиллаж буй Мобиком корпорацийнханд талархал илэрхийллээ.

Мэдээллийн технологи, шуудан, харилцаа холбооны газар цаашид яам болтлоо өргөжнө гэдэгт итгэж байгаагаа хэллээ.

Ерөнхий ивээн тэтгэгч, Харилцаа холбооны анхдагч, тэргүүлэгч Мобиком Корпорацийн захирал Дэвид Холлидэй "Ивээн тэтгэж байгаа нь нэр төрийн хэрэг юм. Таван өдрийн турш энэ салбарын тэргүүлэгчид нэгдэж бидний амьдралыг хялбар болгодог бүтээгдэхүүн үйлчилгээг танилцуулах гэж байна. Дэлхийд 22 байгаа мазаалайг хамгаалах тал дээр мэдээллийн технологийг ашиглахад энэ үзэсгэлэн чухал ач холбогдолтой" гэж хэллээ.

Мөн тэрээр "20 жилийн өмнө Мобиком корпораци өрсөлдөөний талбарыг бий болгосон. Харин одоо та бүхэнтэй хамтран энэ салбарыг хөгжүүлж байгаадаа баяртай байна. Нийт хэрэглэгч, оролцогч, МУ-ын Засгийн газар, мэдээлэл технологийн газар, харилцаа холбооны зохицуулах газарт талархснаа илэрхийлье" гэлээ.

"Интерактив" ХХК-ийн захирал Ууганбаяр "Програм хангамж, технологийн компаниудын төлөөлөл болгон мэндчилгээ дэвшүүлэх болсондоо баяртай байна. Монголчууд мэдээллийн технологийг өөрсдөө хийж, бүтээж чаддаг болсныг энэ үзэсгэлэнгээс харах болно. Цаашид олон улсад, дэлхийн тавцанд гарах боломж ойрхон байна" гэлээ. Түүний дараа "Сони Мюзик" компанийн Монголыг хариуцсан захирал Арина Димитрива үг хэллээ.

Нийгэм эдийн засгийн нөлөө бүхий манлайлагчдыг хамруулсан үзэсгэлэн яармагийн ёслолын тууз хайчилж байна. Туузыг Засгийн газрын Мэдээлэл, технологийн хэлтсийн дарга Ч.Даваажамц, Мэдээллийн технологи, шуудан, харилцаа холбооны газрын дарга Ц.Жадамбаа, ХХЗХ-ны дарга Б.Балгансүрэн, Мобиком корпорацийн Гүйцэтгэх захирал Дэвид Холлидэй нар хайчилна.

“Бидний шийдэл хөгжлийн хурдасгуур” уриан дор болох ICT EXPO 2015 үзэсгэлэнгийн нээлтийн ажиллагаа дууслаа. Ирсэн зочдыг дагуулан үзэсгэлэнг танилцуулна.

ICT EXPO 2015 үзэсгэлэнгийн үеэр БСШУ-ны дэд сайд Б.Тулгатай хийсэн ярилцлагыг хүргэе.

ICT EXPO 2015 үзэсгэлэн оролцогч компаниудын танилцуулгаар үргэлжилж байна.

Энэ жил үзэсгэлэнд нийт 41 компани оролцож байгаа бөгөөд өнөөдөр зургаан компани өөрсдийн бүтээгдэхүүн, үйлчилгээний танилцуулгыг хийх юм.

Компаниудын танилцуулга "ДДЭШ ТВ" ХХК-аар эхэллээ. Тус компаний танилцуулгыг нээж Tigerfish хамтлаг мэндчилгээ дэвшүүлж байна.

   ХХЗХ-ны дарга Б.Балгансүрэнтэй хийсэн видео ярилцлага

Мэдээллийн технологи, шуудан, харилцаа холбооны газрын дарга Ц.Жадамбаатай хийсэн видео ярилцлага

ICT EXPO 2015 үзэсгэлэн өнөөдөр 18.00 цаг хүртэл үргэлжилнэ. Харин маргааш буюу 22-ны баасан гарагт үзэсгэлэнгийн үйл ажиллагаа 10.00-18.00 цаг хүртэл болох юм. Мөн энэ үеэр Старт-ап Монголиа нээлтээ хийнэ.

Мобиком корпорацийн Олон нийттэй харилцах албаны дарга Э.Чинзориг

ICT EXPO 2015 үзэсгэлэн үргэлжилж байна. Үзэсгэлэнг сонирхохоор ирсэн үзэгчдийн дунд "Нэг саяын уналт" тэмцээнийг зохион байгуулж байна.

Оролцогчид нэг минутын турш бодож хариултаа өгнө. Арван асуултад зөв хариулбал НЭГ сая төгрөгийн эзэн болно.