Улаанбаатар хотноо Азийн зүүн бүсийн эрэгтэйчүүдийн волейболын аварга шалгаруулах тэмцээн 2015 оны тавдугаар сарын 10-16-нд Буянт-Ухаа Спортын ордонд зохион байгуулагдах гэж байна.

Зүүн бүсийн тэмцээн нь анх 1998 онд зохион байгуулагдаж эхэлсэн.

Монгол Улсад гурав дахь удаагаа явагдах гэж байна.

Өмнө нь 2000, 2008 онуудад явагдаж эмэгтэй шигшээ баг маань 2000 онд мөнгө, 2008 онд хүрэл медаль хүртсэн билээ. Эрэгтэй багийн хувьд одоогоор медаль хүртээгүй байгаа.

2012 оноос эхлэн Азийн зүүн бүсийн холбооноос эмэгтэй, эрэгтэй төрлүүдийг тусдаа явуулж байхаар шийдвэрлэсэн. Үүний 2012 онд БНХАУ, 2014 онд Хонгконгод эмэгтэйчүүд, 2013 онд Тайваньд, 2015 онд Монгол Улсад эрэгтэйчүүдийн тэмцээн зохион байгуулагдаж байгаа юм.

Азийн Волейболын Холбооноос албан ёсоор сугалааны дүнг маргааш 11,00 цагаас МҮОХ-ны хурлын танхимд зарлах юм байна.