Ардын урлагийн “Хөсөгтөн” хамтлаг “Авъяаслаг Азиуд” (“Asia’s Got Talent”) шоу нэвтрүүлгийн хагас шигшээд шалгараад байна.

Гуравдугаар сарын 12-нд эхэлсэн уг нэвтрүүлгийн эхний шатанд “Хөсөгтөн” хамтлаг олон сая үзэгчдийг гайхшруулсан төдийгүй шүүгчдээс өндөр үнэлгээ авсан юм.

Харин хагас шигшээд шалгарсан оролцогчдыг үзэгчдийн саналаар дахин өрсөлдүүлэх бөгөөд “Хөсөгтөн” хамтлагийн өрсөлдөж буй хоёрдугаар ээлжийнх дөрөвдүгээр сарын 23-наас 27-ны хооронд болох юм байна.

Санал асуулгыг мессеж, фэйсбүүк хуудсаар дэмжсэн байдал болон "Asia's Got Talent" аппликэйшнээр авах аж.

Санал асуулга Сингапурын цагаар 23-ны 20:05 минутаас эхэлж 27-ны 23:59 минут хүртэл үргэлжилнэ. Та "Asia's Got Talent" фэйсбүүк хуудсаар зочлон, Монгол Улсаа төлөөлөн оролцож буй “Хөсөгтөн” хамтлагт саналаа өгөөрэй.

Хагас шигшээд нийт 16 оролцогч үлдсэн бөгөөд гурван хэсэгт хуваагдан санал асуулгаар дараагийн шатанд оролцох эрхийг олгох юм.

“Хөсөгтөн” хамтлагийн хэсэгт төгөлдөр хуурчид, дуучин, охидын рок хамтлаг, Хавай гитарчин зэрэг найман оролцогч өрсөлдөж байна. Эдгээрээс үзэгчдээс хамгийн олон санал авсан нэг оролцогч шилдгийн төлөө өрсөлдөх эрхээ авна.

Азийн улс орнуудын мянга мянган авъяастан өрсөлдөж буй шоу нэвтрүүлгийн ялагч 100.000 ам.долларын эзэн болохоос гадна Сингапурын “The Marina Bay Sands” зочид буудалд тоглолтоо хийх эрхийг авах юм.