Пауэрлифтингийн насанд хүрэгчдийн Дэлхийн аварга шалгаруулах тэмцээнээс Олон улсын хэмжээний мастер Батаагийн Батцэнгэл хүрэл медаль хүртжээ.

Тэрээр Монголын Пауэрлифтингийн нэгдсэн холбооны шигшээ багийн тамирчин бөгөөд мастер ангиллын хэвтээ шахалтын -93 кг-ын жинд оролцож, 245 кг-ыг шахаж (гурав дахь оролтоор) хүрэл медаль хүртлээ.

Пауэрлифтингийн ДАШТ АНУ-ын Денвер хотод энэ сарын 16-23-нд болж байгаа билээ. Тэмцээнд Японы тамирчин Kassai Masahiko алт, АНУ-ын тамирчин Grohoski Pete мөнгөн медаль хүртсэн байна.