Эдийн засагч, нийтлэлч Д.Жаргалсайханы тэргүүлдэг "Улаанбаатарын эдийн засгийн клуб" салбартаа тэргүүлэх мэргэжилтнүүдийг урин, лекц уншуулдаг. Тэд хамгийн анх БНХАУ-аас эдийн засагч урин, тус улсын эдийн засгийн нөхцөл байдлын талаар танилцуулж байсан юм.

Дараа нь УИХ-ын гишүүн М.Батчимэг “Засаглал ба хөгжил”, УИХ-ын гишүүн Х.Тэмүүжин “Хөгжил дэмжих хуулиуд”, Канадын эдийн засагч, доктор Дон Дроммонд “Дэлхийн эдийн засгийн хямрал-Бид юу суралцсан бэ?” сэдвээр тус тус лекц уншсан.

Улаанбаатарын эдийн засгийн клубын  энэ сарын уулзалтад Дэлхий Банкны Группын Олон улсын санхүүгийн корпорацийн Монголыг хариуцсан төлөөлөгч Ноён Туен Д Нгуен оролцохоор болжээ. Тэрээр "Жендер ба эдийн засгийн өсөлт" сэдвээр илтгэл тавина. 

Уулзалт энэ сарын 16-нд 12-14 цагийн хооронд Туушин зочид буудалд болно. Та оролцохыг хүсвэл 89048684 утсаар болон narankhuu@freemarket.mn хаягаар холбогдож бүртгүүлээрэй.