Богд хан уулын бүсэд хоёрдугаар сарын 4-ний өдөр ой хээрийн түймэр гарсантай холбогдуулан зургаадугаар сарын 15-ны өдрийг хүртэл аялж зугаалахыг хориглосон байна.

Ойн тухай хуулинд заасанчлан “Түймрийн аюултай үе” гэж нэрлэгддэг ой, хээрийн түймэр гарах байгалийн нөхцөл бүрдсэн хуурайшилт бүхий цаг хугацаа буюу жил бүрийн гуравдугаар 20-ны өдрөөс зургаадугаар сарын 10-ны өдөр  хүртэлх хугацаанд Богд хан уулын бүсэд аялал зугаалга хийхийг хориглодог ажээ.

Тэгвэл энэхүү хугацаанаас сарын өмнө буюу хоёрдугаар сард түймэр гарсан тул тухайн сарын 15-ны өдрөөс хорио тогтоожээ.