Монгол-Зүүн Тиморын хөл бөмбөгийн шигшээ багийн тоглолт хэдхэн мөчийн дараа эхлэх гэж байна. Монголын хөлбөмбөгийн шигшээ багийн цэнгэлдэхэд Монгол Улсын төрийн далбааг мандууллаа.

Багууд өнгөрсөн 7 хоногт эхний тоглолтоо хийн, манай баг 4:1-ийн харьцаатайгаар хожигдсон юм. Энэ удаад  манай шигшээ баг 3:0-ээр хожих үүрэг хүлээж байна. Монголын хөлбөмбөгийн холбооны ерөнхийлөгч А.Ганбаатар шигшээ багийн тамирчидтай уулзан, амжилт хүслээ. Зочин баг болох Зүүн Тимор улмын төрийн дуулал эгшиглэсний дараа Монгол Улсын төрийн дууллыг эгшиглүүллээ.  

Энэ удаагийн тоглолтыг БНХАУ-ын 4 шүүгч шүүн явуулж байна. Өнөөдрийн ялагч баг 2016 оны Дэлхийн хөлбөмбөгийн аварга шалгаруулах тэмцээний учраа тоглолтуудаа үргэлжлүүлнэ.   

Тоглолт болж буй цэнгэлдэх хүрээлэн Монголын хөгжөөн дэмжигчдээр дүүрэн байна. Тоглолт эхэллээ. Зүүн Тиморын баг хамгаалалтандаа илүүтэй анхаарна гэж мэргэжилтнүүд үзэж байна. 

Эсрэг багийн нэг тоглогч эмчийн тусламж авах хэрэгтэй болсныг шүүгч мэдэгдлээ.

Багийн бүрэлдэхүүнд:

Хаалгач-Б.Ариунболд

Хамгаалагч-Б.Эрхэмбаяр, Ц.Энхжаргал, Б.Гарьдмагнай, Г.Билгүүн

Хагас хамгаалагч-С.Гал-Эрдэнэ, Х.Цэнд-Аюуш, А.Мөрөн, М.Төгөлдөр

Довтлогч-А.Цолмон, Н.Наранболд нар багтаж байна. Тэд 5 хоногийн өмнө эхний тоглолтоо хийсэн юм.

Хагас хамгаалагч А.Мөрөн эхний тоглолтод оролцоогүй. Тэрээр Сербид тоглох гэрээ хэлэлцээг хийгээд ирсэн юм байна. 

Тоглолт болж буй цэнгэлдэх хүрээлэн 3800 хүний суудалтай. Бүх суудал хөгжөөн дэмжигчдээр дүүрчээ.

Хаалгач Б.Ариунболд эсрэг багаас ирсэн эхний бөмбөгийг амжилттай хаалаа. Манай шигшээ багийн хувьд талбай дээрээ хийсэн өмнөх тоглолтуудад ялалт байгуулсан юм.  Онооны харьцаа 0:1 боллоо.

Өмнөх тоглолтод манай тамирчид эхний минутуудад гоол алдсан юм.

Энэ тоглолтыг үзэхээр Ерөнхийлөгч, Ерөнхий сайд тун удахгүй цэнгэлдэх хүрээлэнд ирэх  юм байна. 

Одоо манай тамирчид булангийн цохилт гүйцэтгэх гэж байна. Зүүн Тиморын тамирчны олонх нь Бразил, Португал цустай тамирчид аж.

Эсрэг баг 1 гоол оруулсан учир манай тамирчид нийт 4 гоол оруулах ёстой болж байна. Тоглолт эхлээд 20 минут өнгөрч байна.

Шүүгч хамгаалагч Б.Гарьдмагнайг алдаа гаргасан гэж үзлээ. Хажуугийн шугамаас Монголчууд бөмбөгийг тоглолтод оруулна.

Манай баг хаалттай цохилт хийх эрх авлаа. Б.Гарьдмагнай цохилтыг гүйцэтгэсэн ч гоол оруулж чадсангүй.

2016 онд ОХУ-д болох Дэлхийн хөлбөмбөгийн аварга шалгаруулах тэмцээний салхийг хагалсан тоглолтыг эдгээр багууд 5 хоногийн өмнө хийсэн юм.

Тоглолт эхлээд 30 минут өнгөрлөө.

Манай тамирчид дахин хаалттай цохилтын эрх авлаа. Цэнгэлдэх дэх хөгжөөн дэмжигчид уухай хашгирцгааж байна. Цохилт амжилтгүй боллоо.

Тоглолтын нэгдүгээр үе дуусах гэж байна. Эхний гоолыг Зүүн Тиморын тоглогч Патрик Фабиано хийсэн юм.

Хоёрдугаар үед эсрэг талын сөрөх довтолгоо удам ихсэнэ гэж мэргэжилтнүүд таамаглаж байна.

13 дугаартай хөл бөмбөгчин Диего Сантост шүүгч шар хуудас харуулан, сануулга өглөө.

Зүүн Тимор тоглолтыг хошуучилж байна.

Шүүгч тоглолтын хугацааг 2 минутаар сунгалаа. Дараагийн үед манай тамирчид 4 гоол оруулах ёстой. Хэрэв ялалт байгуулж чадахгүй бол манай шигшээ багийнхан ойрын хугацаанд олон улсын чанартай тэмцээнд оролцохгүй.

Нэгдүгээр үе өндөрлөн, 15 минутын завсарлага эхэллээ.    

Тоглолтын хоёрдугаар үе эхэллээ. Манай тамирчин хаалттай цохилт гүйцэтгэх гэж байна.

Ерөнхийлөгч Ц.Элбэгдорж цэнгэлдэх хүрээлэнд хүрэлцэн ирлээ. Тэрээр Английн Ливерпүүл багийн хөгжөөн дэмжигч. Хөлбөмбөгийн "2050" ТББ-ыг үүсгэн байгуулсан юм.
 

13 дугаартай Б.Эрхэмбаяр шар хуудас авлаа. Мөн Ц.Энхжаргал шар хуудас авлаа.

Цолмон сэлгээнд суун, Н.Цэдэнбал талбай дээр гарч ирлээ. Тэрээр солгой хөлөөр маш сайн тоглодог тамирчин юм байна.

Тоглолтын хоёрдугаар үе эхлээд 20 минут өнгөрлөө.

Зүүн Тиморын баг сэлгээ хийн, талбай дээр довтлогч гаргаж ирлээ. Тоглолт эхлээд 27 минут өнгөрч байна.

Манай тамирчин Мөрөн бэртэл авсны улмаас талбайг орхилоо. Тоглолт дуусахад 15 минут үлдэж байна.

Цэнгэлдэх дэх хөгжөөн дэмжигчид "Монгол" хэмээн дуу нийлүүлэн хашгирч, тамирчдаа дэмжиж байна. Энэ тоглолтод ялсан баг нь цаашид 14 тоглолт хийх юм. Гэвч манай тамирчид хоорондоо үл ойлголцсоноос гоол оруулж чадахгүй байна.

Манай шигшээ багийн хувьд шинэ бүрэлдэхүүн бөгөөд дундаж нас 25.

Эсрэг баг сэлгээ хийн, өмнөх тоглолтод 2 гоол оруулсан тамирчнаа талбай дээр гаргалаа. Португалийн колони орон байсан Зүүн Тимор нь далайн эргийн халуун дулаан орон. Мөн хөлбөмбөг өндөр хөгжсөн улс юм.  

Зүүн Тиморын эсрэг хариу тоглолтын үндсэн цаг дууслаа. Шүүгч тоглолтын хугацааг 3 минутаар сунгасан юм. 

Харамсалтай нь  манай улсын шигшээ багийн тамирчид талбай дэрээ хожигдол хүлээлээ. Харин Зүүн Тиморын тамирчид Москва хүртэл дахин урт зам туулахаар болж байна.

Төгсгөлд нь хэлэхэд манай улсын залуучуудын шигшээ багийн тамирчид энэ сард багтаан Лаос улсыг зорино. Тэд Азийн залуучуудын аварга шалгаруулах тэмцээнд оролцох юм.