Олимп, дэлхийн мөнгөн медальт Н.Төгсцогт өнөө өглөө үүрээр АНУ-д мэргэжлийн боксын эхний тулаанаа хийлээ. 

Н.Төгсцогтын мэргэжлийн боксын хамгийн анхны тулааны өрсөлдөгч нь Америкийн Габриэл Брэкстон байлаа.

Тоглолтын нэгдүгээр раунд эхэлсэн үеэс манай гавьяат тамирчин маань илт давуу тоглолт үзүүлж өрсөлдөгчөө 47 секундэд хүнд цохилтоор яллаа.

Түүний өрсөлдөгч 30 настай бөгөөд мэргэжлийн боксын 11 дэх тулаан нь байжээ.

Н.Төгсцогтын хувьд мэргэжлийн боксын гараагаа ийнхүү амжилттай эхлүүллээ.