Монголын хөлбөмбөгийн үндэсний шигшээ баг Зүүн Тиморын эсрэг тоглолтоо өнөөдөр хийж байна.

Тоглолт Зүүн Тиморын цагаар 16.00 цагт, манай цагаар 15.00 цагт эхэлсэн юм. Харин одоогийн байдлаар тооны харьцаа 2:0 байгаа бөгөөд манай улсын хөлбөмбөгчид тоглолтын эхний 10 минутанд хоёр гоол алдаад байна.

Хоёр багийн гарааны тоглогчид:

Тоглолтын нэгдүгээр үе 2:0-ийн харьцаатай өндөрлөсөн бол одоо хоёрдугаар үе дөнгөж эхлээд байна.

Дашрамд сонирхуулахад, Монголын Үндэсний шигшээ багийн хариу тулаан гуравдугаар сарын 17-ны 16:00 цагт МХБХ-ны Цэнгэлдэх хүрээлэнд явагдана. Тоглолтын тасалбар 5000 төгрөгөөр Ням гарагаас эхлэн МХБХ-ны байранд худалдаалагдах юм. 

Tоглолтын 60 минут.
Хоёр баг одоохондоо солилцоо хийгээгүй. Манай залуус тоглолтыг эзэн багийн талд явуулж байна. Булангийн хоёр цохилт хийсэн боловч ямар нэгэн үр дүнд хүрсэнгүй.
Эзэн багийн 14 дугаартай тоглогч ганцаараа хаалгачийн эсрэг гарсан боловч Ариунболд сайн хааж багаа аюулгүй болголоо.

Мэдээллийн эх сурвалж болон фото зургийг Монголын Хөлбөмбөгийн холбоо

Хоёр баг сэлгээ хийлээ.

Зүүн Тиморын сэлгээ: 14 дугаарын тоглогч талбайг орхиж, талбайд 9 дугаарын тоглогч орж ирлээ.

Манай сэлгээ: Тоглогч С.Гал-Эрдэнэ, тоглогч Г.Төгсбаярыг орлон талбайд гарч ирлээ.

Тоглолтын 65 дахь минут. Манай залуус хоёр боломжийг гоол болгож чадсангүй. Хамгийн том боломжийг Төгсбаяр хаалганы урдуур ирсэн бөмбөгийг чихээд оруулж амжсангүй.
 

А.Цолмон талбайд гарч А.Эрдэнэбаяр гэмтлийн улмаас талбайгаас орхилоо.

Chiquito Do Carmo гэх Зүүн Тиморын энэ тоглогч 2018 оны Дэлхийн аваргын урьдчилсан шатны анхны гоолыг оруулсан юм.

Тоглолтын 89 дэх минутанд хариу довтолгооноос гоол алдаж тоглолтын харьцаа 0:3 боллоо.

Тоглолтын цаг дуусч шүүгч 2 минутын нэмэлт цаг олголоо.

Тоглолтын нэмэлт цагт дахин нэг гоол алдсанаар тооны харьцаа 4:0 боллоо.

Манай тоглогчид нэг гоол оруулж тооны харьцаа 4:1 боллоо
 

Зүүн Тиморын талбайд болсон тоглолт 4:1-ийн харьцаатайгаар өндөрлөж манай улсын баг тамирчид хожигдлоо.

Тоглолтын нэг гоолыг манай тамирчин Б.Эрхэмбаяр оруулсан юм.

Дашрамд сануулахад, хариу тоглолт гуравдугаар сарын 17-ны 16:00 цагт МХБХ-ны Цэнгэлдэх хүрээлэнд явагдана. Тоглолтын тасалбар 5000 төгрөгөөр Ням гарагаас эхлэн МХБХ-ны байранд худалдаалагдана.