Монголын хөлбөмбөгийн холбооны IV ээлжит их өнөөдөр болж Ерөнхийлөгчөө сонголоо.

Хуралд оролцсон 52 төлөөлөгчийн 29 нь А.Ганбаатарыг дэмжсэнээр тэрбээр Монголын Хөлбөмбөгийн холбоог удирдахаар боллоо.

Монголын хөлбөмбөгийн холбооны Ерөнхийлөгчийн суудлын төлөө:

• Арвис клубээс Монгол Улсын Ерөнхийлөгчийн Олон нийтийн харилцааны бодлогын зөвлөх А. Ганбаатар
• Хоромхон клубээс Вульф Петролеум Хувьцаат компанийн ТУЗ-ийн дарга Т. Лхагвадорж,
• СэлэнгэПресс клубээс Худалдаа Хөгжлийн банкны гүйцэтгэх захирал Б. Мэдрээ нарын төлөөлөл нэр дэвшин өрсөлдөх эрхтэй болсон.

Их хурлын өмнө Хоромхон клубээс нэр дэвшсэн Т.Лхагвадорж өөрийн саналаар нэрээ татсан юм.

52 төлөөлөгчийн нэг санал хүчингүйд тооцогдож 29 нь А.Ганбаатарыг, 22 төлөөлөгч Б.Мэдрээг дэмжлээ.