1990-ээд оны үед “Хонх”, “Шигтгээ”, “Цэ­цэг”, “Болор” зэрэг хамт­лаг хит болсон дуугаа­раа залуусын дунд шүтээн нь болж байсан билээ. Тэгвэл тэдгээр хамтла­гууд хамтарч энэ сарын 25, 26-ны үдэш “Улаанбаатар палас”-т “Эргэн дурса­хад” нэртэй тоглолтоо хийх гэж буй. Тоглолтын талаар зохион байгуулагч “Next star” студийн захи­рал Б.Баяржаргал буюу Маадайтай уулзаж ярилц­лаа.

-Энэ тоглолтыг яагаад зохион байгуулах болсон бэ?
-Юуны өмнө “Өдрийн со­нин”-ы уншигчдад энэ өд­рийн мэнд хүргэе. Манай студиэс өнгөрсөн сард “Эргэн дурсахад” нэртэй, 1990-ээд оны хамтлаг, дуучдын дуу­наас бүрдсэн цомог гаргасан юм. Энэ цомог маань маш амжилттай борлогдож, сон­согч­доос эдгээр хамтла­гуу­дын нэгдсэн тоглолт хийгээч гэсэн хүсэлт нэлээд ирсэн л дээ. Энэ дагуу бид дуучид­тайгаа ярил­цаад тоглолт зо­хион байгуулахаар шийдэж, бэлт­­гэл ажилдаа ороод явж байна.

-Ямар ямар хамлаг оролцох вэ, хамлагууд тухайн үеийн бүрэлдэхүү­нээ­рээ орол­цох боломж бий юу?
-“Хонх”, “Шигтгээ”, “Цэ­цэг”, “Болор”, “Айзам-2”, “Но­мин”, “Титэм”, “Харш” хамт­лагийн дуучид оролцоно. Тухайлбал, “Цэцэг”-ийн Бат­болд, “Титэм”-ийн Тайванбат, “Айзам-2”-ын Мөнхбаяр бо­лон бусад уран бүтээлчид оролцож хит дуугаа дуулна. Бүрэлдэхүүнээрээ гэвэл боломж­гүй л дээ. Одоогоос бараг 20 жилийн тэртээх бо­ло­хоор хамтлагууд тар­чих­сан, гишүүд нь өөр ажил алба эрхэлж байгаа. Төлөөлөгч болсон хэд хэдэн хүн бий.

-Дуучид ямар дуу дуу­лах бол, заримыг нь дурд­вал?
-Батболд “Заяа” дуугаа дуулна, Энхбаяр “Алтан хав­чаар”-аа гэх мэт залуусын дунд жинхэнэ хит болж бай­сан сор болсон дуунуудаа дуулна.

-Хэдэн дуу дуулах бол?
-30-аад дуу байх болов уу.

-20-иод жилийн тэртээх болохоор ая нь тэр үеийн­хээр байгаа байх. Одоогийн тоглолтод дуунуудад шинэ найруулга хийж байгаа юу?
-Ерөнхийдөө тэр үед дуулж байснаар нь хүргэхийг хичээж байгаа. Гэхдээ дуу­нуу­даа бүгдийг амьдаар дуу­лах болохоор бага зэрэг өөрч­лөгдөх байх. Амьд хөгжмийн “Маршал” хамтлаг хөгжмийг бүрэн хариуцна.

-1990-ээд оны дуунууд дуулагдах болохоор ту­хайн орчин болон тайз нь тэр үеийнхээр байх уу?
-Тийм. Бид тайзаа аль болох 90-ээд оны үеийнхээр засахыг эрмэлзэж байгаа. Дуучдаа ч гэсэн тухайн үеийнхээр хувцаслах гэх мэт олон санааг төлөвлөж байна.

-Тоглолтын билет ямар үнэтэй байх вэ?
-9000 төгрөг. Бид есийн тоог эрхэмлэж байгаа л даа. “Эр­гэн дурсахад” цомгоо ч гэсэн 9000 мянгаар худал­даалж байгаа.

Т.Гэрэлмаа